ရန်ကုန်မြို့ ၊ရွှေတိဂုံစေတီတော်ရင်ပြင် စနေထောင့်ရှိ ကျောင်းသားသပိတ် ကျောက်စာတိုင်ကို မကြာမီပြန်လည် ဖွင့်လှစ်တော့မည်ကြောင်း mmdailynews တွင်ဖော်ပြထားသည်။ ယခင်က တားမြစ်ဧရိယာအဖြစ် သတ်မှတ်ထားခဲ့ပြီး ယခုအခါတွင် ယင်းကျောက်စာတိုင်ကို အများပြည်သူများ ပုံမှန်ကြည့်ရှုခွင့် ရနိုင်ရေးအတွက် ပြန်လည်ဖွင့်လှစ်ပေးရန် ရွှေတိဂုံဂေါပကအဖွဲ့မှ ကြိုးပမ်းလျက်ရှိကြောင်းနှင့် မကြာမှီပြန်လည်ဖွင့်လှစ်တော့ မည်ဖြစ်ကြောင်းကိုလည်း ယင်းသတင်းဝဒ်ဆိုက်တွင် ဖော်ပြထားသည်။
အဆိုပါကျောက်စာတိုင်သည် အင်္ဂလိပ် ကိုလိုနီနယ်ချဲ့အစိုးရ၏ ကျွန်ပညာရေးစနစ်ဖြစ်သည့် ရန်ကုန်တက္ကသိုလ် အက်ဥပဒေကို မကျေနပ်သဖြင့် ကောလိပ်ကျောင်းသားကြီး ၁၁-ဦးတွေ့ဆုံ၍ သပိတ်မှောက်ရန် သစ္စာအဓိဋ္ဌာန်ပြုခဲ့သည့် အထိမ်းအမှတ်ဖြစ်ဖြင့် တည်ထားခဲ့သော ကျောက်စာတိုင်ဖြစ်သည်။
ယနေ့အချိန်တွင်လည်း မြန်မာနိုင်ငံ၏ ပညာရေးစနစ်သည် စစ်ကျွန်ဖြစ်ရေးဖက်ဆီသို့ ဦးတည်နေသည့် ကျွန်ပညာရေးစနစ် တစ်ခုသာဖြစ်ကြောင်း အများပြည်သူများအကြား ပြောဆိုလျှက်ရှိသည်။
0 comments:
Post a Comment