NLD အမျိုးသားဒီမိုကရေစီအဖွဲ့ချုပ် အင်တာနက်ဝဒ်ဆိုက် စတင်

အမျိုးသားဒီမိုကရေစီအဖွဲ့ချုပ် NLD က ၄င်းတို့၏ http://burmese.nldburma.org/ အင်တာနက်သတင်းဝဒ်ဆိုက်တစ်ခုကို စတင်တည်ထောင်လိုက်သည်။ ယင်းဝဒ်ဆိုက်တွင် မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်၏ နှုတ်ခွန်းဆက်လွှာကို အောက်ပါအတိုင်း တွေ့မြင်နိုင်သည်။

မြန်မာနိုင်ငံဒီမိုကရေစီရရှိရေးအတွက် ပြည်တွင်းပြည်ပ ပြည်သူ့ကွန်ယက်ကြီး ဖွဲ့ရာမှာ ဆက်သွယ်ရေးလမ်းကြောင်း ကောင်းမွန်ကျယ်ပြန့်ခြင်းက အဓိကဖြစ်ပါတယ်။ ဒါကြောင့် အမျိုးသားဒီမိုကရေစီအဖွဲ့ချုပ်ရဲ့ မူဝါဒတွေ လုပ်ကိုင်လှုပ်ရှားမှုတွေကို ကမ္ဘာတ၀ှမ်း သိရှိနိုင်စေမယ့် အင်တာနက်စာမျက်နှာ တစ်ခုပေါ်ပေါက်လာတာကို သိပ်ကိုကျေနပ်မိပါတယ်။ ဒီစာမျှက်နှာမှတစ်ဆင့် ကျွန်မတို့ ဆက်သွယ်ခြင်းအားခြင့် ကျွန်မတို့အားလုံး မျှော်မှန်းတမ်းတနေတဲ့ ဒီမိုကရေစီ ပြည်ထောင်စုကြီး ပိုပြီးမြန်ဆန်စွာ ပေါ်ထွန်းလာနိုင်မယ်လို့ ထင်မိပါတယ်။

ဒီအင်တာနက်စာမျက်နှာဖြစ်ပေါ်လာရေးအတွက် အင်တိုက် အားတိုက် လုပ်ဆောင်ကြတဲ့ သူတွေအားလုံးကို လှိုက်လှဲစွာကျေးဇူးတင်ကြောင်း ပြောချင်ပါတယ်။ (ဒေါ်အောင်ဆန်းစုကြည်)

အရှက် အကြောက် တရားနှစ်ပါး ကင်းမဲ့ခဲ့သော်--- အပိုင်း ( ၂ )

တစ်ချိန်က ဂန္ဓာရတိုင်းခေါ် ယနေ့ ပါကစ္စတန်၊ အာဖဂန်နစ်စတန်၊ တာကစ္စတန် ၊ ယောနကတိုင်းခေါ် တူရကီ နှင့် ဂရိနိုင်ငံများအထိ ဗုဒ္ဓသာသနာတော်ကြီး၏ ရောင်ဝါသည် ထွန်းလင်းတောက်ပခဲ့သော်လည်း ယနေ့အချိန်အခါတွင် အဆိုပါဒေသများ၌ ပျောက်ကွယ်သွားခဲ့လေပြီ။ မြတ်ဗုဒ္ဓသာသနာ၏ ပေါ်ထွန်းရာမြေအဖြစ် အသိမှတ်ပြုထားကြသည့် ယနေ့ အိန္ဒိပြည်ကြီး၌ပင် ဗုဒ္ဓဘာသာ၏အခန်းကဏ္ဍ ပျောက်ကွယ်သွားခဲ့သည်မှာ နှစ်ပေါင်း ရာချီ၍ပင်ရှိခဲ့လေပြီ ။ ယင်းကဲ့သို့ ဗုဒ္ဓသာသနာတော်ကြီး ကွယ်ပသွားခဲ့ရခြင်းတွင် အခြားဘာသာဝင်တို့၏ ကြီးစိုးလွမ်းမိုးလာမှုတို့နှင့် ခေတ်အလိုက် အုပ်ချုပ်သူ အစိုးရမင်းတို့၏ သာသနာပြုပုဂ္ဂိုလ်များအပေါ်တွင် ဖိနှိပ်မှုများကြောင့်ဟု ဆိုနိုင်သော်လည်း သာသနာပြု ရဟန်းသံဃာတော်များ၏ လုပ်ဆောင်ချက် အားနည်းမှုများမှာလည်း အဓိကအခန်းကဏ္ဍမှ ပါဝင်နေသည်ကို မေ့ထား၍ မရနိုင်ပေ။

သာသနာသက်တမ်း နှစ်ငါးထောင်အနက် ယခုအခါတွင် သက်တမ်း ထက်ဝက်ကျော်လာခဲ့ပြီဖြစ်သော်လည်း ဗုဒ္ဓဘာသာပေါ်ထွန်းခဲ့ရာ အိန္ဒိယမြေပေါ်တွင် သာသနာနှစ် ငါးရာကျော်ခန့်မှစ၍ သီလ သမာဓိနှင့် ပြည်စုံကြသည့် ရဟန်းကောင်းများ ရှားပါးလာပြီး ဒုဿီလ ရဟန်းဆိုးတို့၏ လွှမ်းမိုးမှုများဖြစ်လာခဲ့သည်။ သီလ သမာဓိနှင့် ပြည်စုံတော်မူကြသည့် ရဟန်းကောင်းတို့၏ အရေတွက်မှာ နည်းပါးသလောက် ၄င်းတို့၏ မိမိတရားကိုသာ မိမိတို့ဘာသာ ကျင့်သုံးနေကြပြီး ပတ်ဝန်းကျင်ကို လျစ်လျူရှုမှုတို့ကြောင့် သာမန်လူအသိုင်းအ၀ိုင်းကို မစည်းရုံးနိုင်သလို တရားတော် အစစ်အမှန်များ ထိုသာမန်လူအသိုင်းအ၀ိုင်းအတွင်း ထိုးဖောက်ဝင်ရောက်အောင် လုပ်ဆောင်နိုင်မှု အင်အားမှာလည်း နည်းပါးလာသည်။

ကိုယ်ပိုင်ယဉ်ကျေးမှုတစ်ခုက လူအသိုင်းအ၀ိုင်းအတွင်း ထိုးဖောက်နိုင်အောင် မစွမ်းဆောင်နိုင်ခဲ့သော်လည်းကောင်း အခြားဘာသာယဉ်ကျေးမှု၏ လွှမ်းမိုးမှုကို ခံထားရသော်လည်းကောင်း ဘာသာ လူမျိုးတစ်ခု၏ ရေရှည်ရပ်တည်နိုင်ရေးမှာ မဖြစ်နိုင်ပေ။ ဗုဒ္ဓဘာသာသည် အိန္ဒိယပြည်ကြီးတွင် ပေါ်ထွန်းခဲ့သည် မှန်သော်လည်း ဗုဒ္ဓဘာသာ၏ လူမှုဆက်ဆံရေး ယဉ်ကျေးမှုများမှာ ဟိန္ဒူဘာသာ၏လွှမ်းမိုးမှုကို မကျော်လွှားနိုင်ခဲ့ပေ။ ယင်းကဲ့သို့ ဗုဒ္ဓဘာသာ၏ ယဉ်ကျေးမှုများကို ကိုယ်ပိုင်ယဉ်ကျေးမှုတစ်ခုအဖြစ် ရပ်တည်ပြီး မကျင့်သုံး မတည်ဆောက်နိုင်ခဲ့ခြင်းကြောင့် ဗုဒ္ဓဘာသာဝင်တို့၏ ယဉ်ကျေးမှုများသည် ဟိန္ဒူဘာသာဝင်တို့၏ ယဉ်ကျေးမှုဓလေ့ထုံးစံတို့အကြား၌ လွယ်ကူစွာ ရောနှော ပြောက်ကွယ်သွားခဲ့ရလေသည်။
တစ်ချိန်တည်းမှာပင် ဒုဿီလ ရဟန်းဆိုးတို့၏ လူပြိန်းကြိုက် ဟောပြောစည်းရုံးမှု လူမှုဆက်ဆံရေးမှာ အောင်မြင်လာခဲ့သည်။ လူလောက လူအလွှာစုံ အတွင်းမှာလည်း လူအမျိုးမျိုး အဖုံဖုံရှိကြသလို ယင်းလောကမှ သာသနာတွင်းရောက်ရှိလာကြသည့် ရဟန်းသံဃာလောကမှာလည်း အမျိုးမျိုးအဖုံဖုံ ကွဲပြားခြားနားပြီး စရိုက်မျိုးစုံရှိကြမည်မှာ သံသယဖြစ်ဖွယ်ရာမရှိပေ။ အချို့ရဟန်းတော်များအနေဖြင့် မိမိတို့ရဲ့ ဘာသာ သာသနာ၏ ဂုဏ်သိက္ခာကို မငဲ့ကွက်ပဲ မိမိရဲ့အတ္တအကျိုး တစ်ခုတည်းကိုသာ ငဲ့ကွက်ပြီး ထင်ရာစိုင်း လုပ်ဆောင်မှုများမှာ ယခင်ကလည်း ရှိခဲ့သလို ယခုလည်း ရှိနေဆဲ နောင်လည်း အဆပေါင်းများစွာ တိုး၍ ရှိနေအုံးမည်သာဖြစ်သည်။
ခေတ်အဆက်အဆက်က ဖြစ်ပေါ်လာခဲ့သည့် အဓမ္မမှုခင်းများတွင် သံဃာ့ထေရ်ကြီးများ၏ တာဝန်သိစိတ်နှင့် တာဝန်ယူဖြေရှင်း လာခဲ့မှုများကြောင့် ထေရ၀ါဒဗုဒ္ဓသာသနာတော်ကြီးသည် ယနေ့ချိန်ထိ တည်ရှိနေခဲ့ခြင်းဖြစ်သည်။ တခါတရံမှာ ယုတ်မာစိတ်ကိန်းဝပ်နေသူတို့၏ ပင်ကိုယ်သဘောအရ တာဝန်သိစိတ်ရှိသူတို့၏ တာဝန်ယူလုပ်ဆောင်မှုများကို လက်မခံပဲ အင်အားကို အမှန်တရားအဖြစ် အသုံးပြုကာ တုန့်ပြန်လာတတ်ပေသည်။ ယင်းကဲ့သို့ တုန့်ပြန်လာမှုများကို ဖြေရှင်းနိုင်ရေးအတွက် ဓမ္မစက်ဖြင့်သာမက အာဏာစက်ကိုလည်း အသုံးပြုရန်လိုအပ်လာပေသည်။ အာဏာစက်ဆိုသည်မှာ သက်ဆိုင်ရာ ဒေသအာဏာပိုင် အစိုးရမင်းများ၏ အဂတိတရားကင်းကင်းဖြင့် ပြဿနာများကို ကိုင်တွယ်ဖြေရှင်းပေးခြင်းဖြစ်သည်။ ဓမ္မစက်မပါပဲ အာဏာစက်သက်သက်ဖြင့် လုပ်ဆောင်သည့် မည်သည့်လုပ်ဆောင်မှုမျိုးမှ တရားမျှတမှုကို ဖြစ်စေနိုင်မည်မဟုတ်ပေ။ တနည်းအားဖြင့် ဓမ္မစက်လွှမ်းမိုးမှု မရှိသည့် မည်သည့် အာဏာစက်မျိုးမဆို တရားမျှတမှုကို ဖော်ဆောင်နိုင်မည်မဟုတ်ပေ။
 

ဝိနည်းသိက္ခာပုဒ်များ ပညတ်တော်မူခဲ့ရခြင်း၏ သမိုင်းနောက်ကွယ်တွင် အဿဇိနှင့် ပုနဗ္ဗသုက ဆဗ္ဗဂ္ဂီရဟန်းဆိုးများ ကြိမ်ဖန်များစွာ ပါဝင်နေခဲ့ကြသည်ကို တွေ့ရှိရသည်။ မြတ်စွာဘုရား သက်တော်ထင်ရှားရှိစဉ်ကပင် ကီဋာဂိရိ ခေါ်သည့် ဇနပုဒ်တစ်ခုတွင် ထိုဆဗ္ဗဂ္ဂီရဟန်းဆိုးများသည် မြတ်စွာဘုရား ပညတ်တော်မူထားသည့် ကျင့်ဝတ်သိက္ခာများနဲ့ ဆန့်ကျင်ပြီး သာမန်လူများအကြိုက် လုပ်ဆောင်စည်းရုံးမှုများ လုပ်ဆောင်ခဲ့ကြသည်။ အမျိုးသမီးများနှင့် ၇င်းနှီးမှုရရန် ပန်းကုံး ပန်းခိုင်ပေးခြင်း ၊ နံ့သာလိမ်းပေးခြင်း ၊ အမျိုးသမီးများနှင့် အတူတွဲ၍ ကခုန် တီးမှုတ် သီဆိုခြင်း စသည်နည်းများဖြင့် အနုပညာကို နှစ်သက်ကြသည့် လူငယ်များကို စည်းရုံးသိမ်းသွင်းကြသည်။ တစ်ခါတရံ အငြိမ့်စင်ပေါ်တက်၍ နှစ်ထပ်သင်္ကန်းကြီးကို ဖြန့်ခင်းပြီးလျှင် အငြိမ့်သမကို “နှမ ဤနှစ်ထပ်သင်္ကန်းပေါ်၌ ကပါလော” ဟု တိုက်တွန်းပြီး က၍ပြီးသောအခါ ကောင်းလေစွဟု လက်ခုပ်သြဘာတီးပေး၍ ကောင်းချီးပေးကြသည်။
၎င်းဆဗ္ဗဂ္ဂီရဟန်းဆိုးတို့၏ စည်းရုံးရေးစွမ်းရည် ကောင်းမှုတို့ကြောင့် ယင်းဒေသရှိလူများသည် ထိုရဟန်းဆိုးတို့သာလျှင် ရဟန်းကောင်း ရဟန်းစစ်သတ်မှတ် ကြည်ညိုကြပြီး အခြားသောရဟန်းစစ် ရဟန်းကောင်းများတို့ကိုမူ မကြည်ညိုတတ်ကြတော့ချေ။ ထိုအချိန်တွင် အခြားဒေသမှ ရောက်ရှိလာပြီး သင်္ကန်းကို ကောင်းစွာဝတ်ရုံပြီးလျှင် မျက်လွှာကိုချ တည်ငြိမ်သောဣနြေ္ဒဖြင့် မြို့တွင်း ဆွမ်းခံကြွလာသည့် ရဟန်းတစ်ပါးကိုပင် “နုံနဲ့နဲ့ မလှုပ်တလှုပ်နဲ့ သွားနေပုံက အားမရှိသလို ၊ ဒီလိုရဟန်းမျိုးကို ဘယ်သူက ဆွမ်းလောင်းလှူကြမှာလဲ၊ ငါတို့ရဲ့အရှင်ကောင်းများကတော့ နှုတ်ချို ပြုံးရွှင်ကြတယ်၊ ဖော်ရွေမှုလည်းရှိကြတယ်” စသည်ဖြင့် ဒေသခံလူအများကပင် မှားယွင်းသည့် အမြင်လမ်ကြောင်းပေါ် ရောက်ခဲ့ကြလေသည်။ နောက်ပိုင်းတွင် မြတ်စွာဘုရား၏ အမိန့်တော်ဖြင့် အရှင်သာရိပုတ္တရာ အရှင်မောဂ္ဂလာန် ဦးဆောင်သည့် သံဃာတော်များရောက်ရှိလာကြပြီး ထိုအဿဇိ ပုနဗ္ဗသုက အမှုးရှိသည့် ရဟန်းဆိုးများကို ဓမ္မကံနှင့်အညီ နယ်နှင်ဒဏ်ပေးလိုက်ကြသည်။
မြန်မာနိုင်ငံတွင် ဘာသာ သာသနာတော်အတွင်း မတရားသည့် အဓိကရုဏ် အရေးအခင်းများ ပေါ်ပေါက်လာခဲ့ပါက လွယ်ကူစွာ ဖြေရှင်းပေးနိုင်ရေးအတွက် နိုင်ငံတော် သံဃာ့မဟာနာကအဖွဲ့ဆိုပြီး တရားဝင်အဖွဲ့အစည်းတရပ်ရှိသည်။ သို့သော်လည်း အဆိုပါအဖွဲ့အစည်းမှာ သံဃာတော်အများစု၏ သဘောဆန္ဒအ၇ ဖွဲ့စည်းထားသည့် အဖွဲ့အစည်းမျိုးမဟုတ်ပဲ အာဏာရှင် အစိုးရ၏ ရွေးကောက်ဖွဲ့စည်းထားသည့် အဖွဲ့အစည်းတစ်ခု ဖြစ်နေတာကြောင့် အာဏာရှင်တို့၏ လက်သုံးတော်ခံ တမန်တစ်ယောက်သာသာမျှသာ ဖြစ်နေသည်ကို ၀မ်းနည်းဖွယ်ရာ တွေ့မြင်နေကြရသည်။ အာဏာရှင်နှင့် အာဏာစက်ရဟတ်အတွင်း ၄င်းတို့အလိုကျအတိုင်း လိုက်ပါလည်ပတ်နေရသည့် အကန့်ဒေါက်ဆံမျှသာဖြစ်နေရပေမည်။
မကြာသေးခင်ကာလကမှ သတင်းစာမျက်နှာများပေါ်တွင် ပေါ်ထွက်လာခဲ့သည့် အရှင်ဣဒ္ဓိပါလ ဦးစီး ကျင်းပသည်ဆိုသည့် စိတ်ဓာတ်မြှင့်တင်ရေး သင်တန်းမှ လှုပ်ရှားမှု ဗွီဒီယို ပြကွက်များမှာ ထေရ၀ါဒ သံဃာတော်တစ်ပါးအနေဖြင့် ၀ိနည်းစည်းကမ်းနှင့် ကိုက်ညီမှုမရှိ ဆိုသည်မှာ ၀ိနည်းစည်းကမ်းများကို နားလည်တော်မူကြသည့် သံဃာတော်များသာမက ထေရ၀ါဒဗုဒ္ဓဘာသာကို တန်ဖိုးထား လေးစားကြည်ညိုကြသည့် လူပုဂ္ဂိုလ်များပါ ကန့်ကွက်ရှုပ်ချသံများ ထွက်ပေါ်လာခဲ့သည်။ သို့သော်လည်း အဆိုပါသင်တန်းမှာ ရပ်တန့်သွားမှု မရှိပဲ ဆက်လက်လုပ်ဆောင်နေကြောင်း ကြားသိနေရသည်။ ထိုကဲ့သို့ အဆိုပါသင်တန်း ဆက်လက်လုပ်ဆောင်နေမှုများကို တားမြစ်ကန့်ကွက်ရေးမှာ ဘာသာ သာသနာအကျိုးအတွက် တာဝန်ယူထားကြသည့် နိုင်ငံတော် သံဃာ့မဟာနာယက အဖွဲ့ကြီးအပေါ်တွင် လုံးဝတာဝန်ရှိနေသည်။ ဓမ္မစက်ကြီး ပုံမှန် လည်ပတ်နေမှသာလျှင် မြန်မာနိုင်ငံတွင် ထေရ၀ါဒဗုဒ္ဓသာသနာတော်ကြီး ထွန်းပနေသည် ဆိုသည့်စကားမှာ အဓိပ္ပါယ်ပြည့်ဝပေလိမ့်မည်။
ဝိနည်းသိက္ခာပုဒ်များနဲ့လည်း ကိုက်ညီမှုမရှိသည့် ယင်းသင်တန်းကို ဆက်လက်ရှင်သန်ခွင့် ပေးထားသည်မှာ မြန်မာနိုင်ငံတွင် ဓမ္မစက်ပျက်နေပြီး အာဏာစက်တစ်ခုတည်း လည်ပတ်နေသည်မှာ ထင်ရှားနေသည်။ ယင်းသင်တန်း၏ လုပ်ဆောင်မှုများမှာ အထက်တွင်ဖော်ပြထားသည့် အဿဇိ ပုနဗ္ဗသုက ဦးဆောင်သည့် ရဟန်းဆိုးများ၏ လုပ်ရပ်များနှင့် တစ်ထပ်တည်းကြနေသည်။ ဗုဒ္ဓသာသနာအတွင်းမှ ရဟန်းတော်တစ်ပါးက ဘုရားရှင်၏ ပညတ်ချက်သိက္ခာပုဒ်များနှင့် ဆန့်ကျင်နေသည့် လုပ်ရပ်ကို ကိုယ်တိုင်က အရှက်အကြောက်ကင်းစွာ ပြောင်ပြောင်တင်းတင်း လုပ်ဆောင်ပြီး လူအများကိုပါ အရှက် အကြောက် ကင်းမဲ့ရေး တိုက်တွန်းခြင်းသည် လောကပါလတရားနှစ်ပါးကိုပါ ဆန့်ကျင်ရာရောက်သဖြင့် ထေရ၀ါဒဗုဒ္ဓသာသနာကိုသာ ဖျက်ဆီးနေရုံမျှမက လောကကြီးတစ်ခုလုံးကိုပါ ပျက်စီးအောင် လုပ်ဆောင်နေခြင်းဖြစ်သည်။

(သခင်နွယ်)

လိုကယ်စိတ်နဲ့ ဂလိုဘယ်ခေတ်

မြန်မာစီပွားရေး လောကသားတွေရဲ့ လက်သုံးစကားတစ်ခွန်း ရှိသေးတယ်။ “အလုပ်ရှင် အလုပ်သမားလို သဘောမထားပါဘူး၊ မိသားစုလို သဘောထားပါတယ်”ဆိုတာ ဖြစ်တယ်။ ဒီစကားဟာ တော်တော်ကို စီးပွားရေးသမား မပီသတဲ့စကား၊ ပရော်ဖက်ရှင်နယ် မဆန်တဲ့စကား ဖြစ်တယ်ဆိုတာကို မသိကြဘူး။ ခပ်လွယ်လွယ် ပြောလိုက်တဲ့ သဘောဖြစ်တယ်။ စီးပွားရေးလုပ်တယ်ဆိုတာ ပရဟိတဂေဟာ ဖွင့်တာ မဟုတ်ဘူး။ အလှူပေးနေတာလည်း မဟုတ်ဘူး။ အလုပ်ရှင်နဲ့ အလုပ်သမားကြားမှာ တိကျတဲ့ စည်းကမ်းတွေ ရှိရမယ်။ နှစ်ဦးသဘောတူထားတဲ့ ပဋိဥာဉ်တွေ ရှိရမယ်။ လုပ်ပိုင်ခွင့်နဲ့ ရပိုင်ခွင့်တွေ ရှင်းရှင်းလင်းလင်း တိတိကျကျ ရေးဆွဲထားတာ ရှိရမယ်။ ပရော်ဖက်ရှင်နယ် သဘောကို နားမလည်တဲ့အတွက် အရှည်သဖြင့်ကျတော့ အငြင်းပွားစရာတွေ ဖြစ်လာတယ်။ စာချုပ်စာတမ်း မရှိတော့ အများအားဖြင့် အလုပ်သမားဘက်က နစ်နာရတာ များတယ်။ မိသားစုလို သဘောထားပါတယ်ဆိုတဲ့ စကားလှလှလေးသုံးပြီး အလုပ်ရှင်က အသာစီးရယူတာ များတယ်။ ခိုင်းတဲ့နေရာမှာသာ မိသားစုလိုသဘောထားပြီး နေ့ညမရှောင် အလုပ်မပြီးမချင်း ပြန်မလွှတ်ဘဲခိုင်းတာ၊ ပေးတဲ့နေရာ၊ ကျွေးတဲ့မွေးတဲ့ နေရာကျတော့ မိသားစုလို သဘောထားကြတာ မဟုတ်ပါဘူး။ အလုပ်သမားလို သဘောထားပြီး ပေးတာကျွေးတာချည်းပါပဲ။ အလုပ်စဝင်တော့မယ့် လူငယ်တွေအနေနဲ့ မိသားစုလို သဘောထားတယ်ဆိုတဲ့ စကားကို အဟုတ်မထင်ပါနဲ့။ အလုပ်သမား တစ်ယောက်အနေနဲ့ ကိုယ်လုပ်ရမယ့် တာဝန်ဝတ္တရားကို တိတိကျကျ မေးမြန်းစုံစမ်းပြီး ကိုယ်ခံစားရရှိမယ့် ရပိုင်ခွင့်များကိုလည်း သေသေချာချာသိအောင် မေးမြန်းထားဖို့ လိုပါတယ်။ ဖြစ်နိုင်ရင် အလုပ်စတင် ဝင်ရောက်တဲ့နေ့မှာ အလုပ်ရှင်၊ အလုပ်သမား နှစ်ဦးသဘောတူ ကန်ထရိုက်စာချုပ် လက်မှတ်ရေးထိုးဖို့ တောင်းဆိုသင့်တယ်။ ဒီကိစ္စက လွယ်တော့မလွယ်ဘူး။ ဒီနေ့ထိ မြန်မာ့စီးပွားရေး လောကမှာ ဒီလိုလုပ်လေ့လုပ်ထ မရှိကြသေးဘူး။ နိုင်ငံခြားသားတွေကတော့ မလွဲမသွေကို လုပ်ကြတယ်။ မြန်မာ့စီးပွားရေးကို ကမ္ဘာ့အဆင့်ထဲထိ တိုးဝင်ဖို့ဆိုရင် လုပ်နည်းလုပ်ဟန်အားလုံးကို အခြေအမြစ်ကစပြီး ပြုပြင်ပြောင်းလဲဖို့ လိုတယ်။ မိရိုးဖလာလုပ်နည်းလုပ်ဟန်တွေ၊ စိတ်ဓာတ်တွေနဲ့ ကမ္ဘာကြီးထဲ တိုးဝင်ဖို့ မလွယ်ပါဘူး” ဟု “လိုကယ်စိတ်နဲ့ ဂလိုဘယ်ခေတ်”ဟူသော ဆောင်းပါးကို ဆရာကြီး လူထုစိန်ဝင်းက ၂၀၁၁ ခုနှစ် ဇန်နဝါရီလ ၂၅ ရက်နေ့ထုတ် အခွင့်အလမ်း ဂျာနယ်တွင် ဖော်ပြထားပါသည်။

( လူထုစိန်ဝင်း)

ကြယ်တာရာ ပေါက်ကွဲမှုကြောင့် ကမ္ဘာကြီး ရက်သတ္တပတ် နေ့ချည်းသက်သက် ဖြစ်ပေါ်ရန် အချိန်နီးကပ်ဟု ပညာရှင်များဆို

ကမ္ဘာ့နက္ခတ်တာရာ ပညာရှင်များသည် သမိုင်းတင်ပြီးခေတ် နောက်ပိုင်း ယနေ့ ၂၁ ရာစုအတွင်း အာကာသဆိုင်ရာ အထူးခြား ဆန်းကြယ်ဆုံး သတင်းတစ်ပုဒ် အဖြစ် ကမ္ဘာကြီးအတွက် ဒုတိယမြောက် နေလုံးတစ်ခု ပေါ်လာပြီး နေ့ညကွဲပြားခြင်း ခေတ္တရပ်ဆိုင်းသွားနိုင်သည် ဆိုသော သတင်းကို သြစတြေးလျ သတင်းဌာနမှ တစ်ဆင့် ကမ္ဘာသို့ ဇန်န၀ါရီလ ၂၂ ရက်နေ့က တင်ပြခဲ့သည်။

၎င်းတို့၏ စောင့်ကြည့်လေ့လာချက်များအရ ကမ္ဘာ့ကောင်းကင်မှ မြင်ရသော ကြယ်ကြီးများထဲတွင် အဌမအကြီးဆုံး အနီရောင် ကြယ်ကြီး ဖြစ်သည့် Betelgeuse သည် ဆက်လက်တည်ရှိနိုင်ရန် စွမ်းအင် မကြာမီ ရက်သတ္တပတ် အနည်းငယ်အတွင်း ကုန်ဆုံးတော့မည် ဖြစ်ပြီး ယင်းကဲ့သို့ စွမ်းအင်များ ကုန်ဆုံးသွားချိန်တွင် ဆူပါနိုဗာ (Supernova) ခေါ် ကြယ်တာရာ ပေါက်ကွဲမှုတစ်ရပ် ဖြစ်ပွားမည် ဖြစ်သည်။

ထိုသို့ ဆူပါနိုဗာ ပေါက်ကွဲသော အခါ နဂါးငွေ့တန်းတစ်ခုစာ အကျယ်အ၀န်းအထိ တောက်ပသော အလင်းတန်းများ ဖြာထွက်လာမည် ဖြစ်ပြီး ကမ္ဘာမြေသည် ၄င်းဖြစ်စဉ်မှ အလင်းရောင်များ ရရှိနေမည် ဖြစ်သောကြောင့် နေ့နှင့်ည လည်ပတ်မှု ဖြစ်စဉ် ယာယီ ပြောင်းလဲကာ နေ့အဖြစ် ဖြင့်သာ ရက်သတ္တပတ် အနည်းငယ်ခန့် တည်ရှိနေမည်ဟု ပညာရှင်များ ခန့်မှန်းထားကြသည်။ ထိုအချိန်တွင် အဆိုပါ အလင်းတန်းများ ထွက်ပေါ်နေသော ကြယ်စုကြီးသည် ကမ္ဘာမြေပြင်ပေါ်မှ ကြည့်လျှင် ဒုတိယ နေတစ်လုံးကဲ့သို့ မိုးကုတ်စက်ဝိုင်းတွင် မြင်တွေ့ရဖွယ် ရှိသည်ဟု ကြားသိရသည်။

ဤကဲ့သို့ ကမ္ဘာကြီးသည် နေနှစ်လုံးမှ အပြိုင် အလင်းများ ရရှိနေခြင်းသည် နှစ်သန်းပေါင်းများစွာ တွင်မှ တစ်ကြိမ် ကြုံတွေ့နိုင်သည့် အခွင့်အရေး ဖြစ်ပြီး အစက နှစ်ပေါင်းများစွာ လိုသေးသည်ဟု တွက်ဆခဲ့ကြသော်လည်း ယခုဆိုလျှင် ဤသို့ဖြစ်ရန် အချိန် လွန်စွာ နီးကပ်နေပြီဟု နက္ခတ်ပညာရှင်များက ခန့်မှန်းကြသည်။

“အခုဆိုရင် ဒီကြယ်အိုကြီးဟာ သူ့ရဲ့ အလယ်ဗဟိုမှာ မီးစာကုန် ဆီခန်း ဖြစ်နေ ပါပြီ။ သူ့ကို ထောက်ပံ့ပေးထားတဲ့ လောင်စာ စွမ်းအင်တွေ ကုန်သွားရင် အလွန်လျင်မြန်စွာ ပြိုပျက်သွားမှာ ဖြစ်ပါတယ်” ဟု သြစတြေးလျနိုင်ငံရှိ ကွင်းစ်လန်းတောင်ပိုင်း တက္ကသိုလ်မှ ပညာရှင် ဘရက် ကာတာမှ အဆိုပါ သတင်းဝက်ဘ်ဆိုက်တွင် ရေးသားထားခဲ့သည်။

၎င်းက ခန့်မှန်း တွက်ချက်ရာတွင် ထိုဖြစ်ရပ်သည် ၂၀၁၁-၂၀၁၂ ခုနှစ်များအတွင်း ဖြစ်နိုင်ကြောင်း၊ နေ့ညမကွဲပြားဘဲ နေ့အသွင်ဖြင့် တည်ရှိနေခြင်းသည် အနည်းဆုံး ရက်သတ္တပတ် နှစ်ပတ်ခန့် ကြာမြင့်နိုင်ကြောင်း ပြောပြခဲ့သည်။

၎င်း Betelgeuse ကြယ်နီကြီးသည် ကမ္ဘာမြေမှ အလင်းနှစ် ၆၄၀ အကွာအဝေးတွင် တည်ရှိသော Orion ကြယ်စုတွင် ပါဝင်ပြီး ကမ္ဘာမှ သာမန်မျက်စိဖြင့်ပင် တွေ့မြင်နိုင်သလို လာမည့် ကြယ်တာရာ ပေါက်ကွဲမှု ဖြစ်စဉ်ကိုလည်း နေကာမျက်မှန်များ အသုံးပြု၍ ကြည့်ရှုရန် မလိုကြောင်း၊ မကြာမီ အချိန်ကာလ အတွင်း၌ ကမ္ဘာသူကမ္ဘာသား တို့သည် ကမ္ဘာ့နက္ခတ်တာရာ နှင့် အာကာသဆိုင်ရာ သမိုင်းတွင် နှစ်သန်းပေါင်းများစွာမှသာ တစ်ကြိမ် ကြုံတွေ့ရနိုင်သော ဆူပါနိုဗာ တစ်ခုမှ အလင်းကြောင့် ညမရှိတော့ဘဲ ရက်သတ္တပတ် အတန်ကြာ နေ့အဖြစ်သာ တည်ရှိနေခြင်းကို မျက်ဝါးထင်ထင် မြင်တွေ့ရဖွယ် ရှိကြောင်း အဆိုပါ သတင်းများအရ သိရှိရသည်။

ဘရက်ကာတာက အထက်ပါအတိုင်း ပြောဆိုသော်လည်း အမေရိကန် နိုင်ငံမှ ပညာရှင်များက အဆိုပါ ကိစ္စသည် တွေးထင်မှန်းဆချက်သာ ဖြစ်ကြောင်း၊ အဆိုပါ ကြယ်ကြီးသည် စွမ်းအင်ကုန်လုနီးပါး ဖြစ်သည်ဟု တွေ့ရှိရသော်လည်း ကြယ်တာရာ ပေါက်ကွဲမှု ဆူပါနိုဗာ တစ်ခု ဖြစ်မည့် အချိန်ကို လက်ရှိ ကမ္ဘာ့နောက်ဆုံးပေါ် တယ်လီစကုပ်နှင့် ကွန်ပျူတာများကပါ အတိအကျ စစ်ဆေး တွက်ချက် ဖော်ပြနိုင်ခြင်း မရှိသေးသလို ၄င်းစကြ၀ဠာဆိုင်ရာ ဖြစ်စဉ်များသည် တိကျစွာ ကြိုတင်မှန်းဆနိုင်ရန် မည်သည့် ပညာရှင်မျိုးကမျှ မစွမ်းနိုင်သေးကြောင်း၊ ထို့ကြောင့် မကြာခင် ကမ္ဘာကြီးတွင် နေနှစ်စင်း ပေါ်လာတော့မည် ဆိုသော သတင်းများအတွက် ထိုသို့ ဖြစ်ရန် အချိန်နီးကပ်နေပြီး အနီးစပ်ဆုံး ဖြစ်နိုင်သော အချိန်မှာ ၂၀၁၂ ခုနှစ်အတွင်း ဖြစ်သည် ဆိုသော အချက်မျှ လွဲ၍ မည်သို့မျှ မပြောနိုင်ပါကြောင်း ဇန်န၀ါရီလ ၂၅ ရက်နေ့ မြန်မာစံတော်ချိန် ည ၁၀ နာရီခန့်က www.thenewamerican.com သတင်းဝက်ဘ်ဆိုက်တွင် တုန့်ပြန်ရေးသား အသိပေးခဲ့သည်။

ထို့အပြင် အဆိုပါ ပေါက်ကွဲမှု ဖြစ်ပွားရာ နေရာသည် ကမ္ဘာမှ အလွန်အမင်း ကွာဝေးသော နေရာတွင် တည်ရှိသောကြောင့် အလင်းရောင်များ ကမ္ဘာပေါ်သို့ ရောက်ရှိလာမည်မှ လွဲ၍ ဆိုးရွားသော ထိခိုက်မှု မရှိနိုင်ကြောင်း၊ ခရစ်ယာန် သမ္မာကျမ်းစာပါ ကမ္ဘာလောက၏ တရားစီရင်ရာ နောက်ဆုံးနေ့ရက် (Doomsday) ကဲ့သို့ ကမ္ဘာကြီး နိဂုံးချုပ် ပျက်စီးသွားမည့် နေ့ရက် မဖြစ်နိုင်သေးပါကြောင်း၊ အခြားသော ဘာသာအယူဝါဒ အချို့ကဲ့သို့လည်း နဂိုရှိရင်းစွဲထက် နေများ ထွက်ပေါ်လာကာ ကမ္ဘာကြီး ပူပြင်းလောင်ကျွမ်း ပျက်သုဉ်းသွားမည် ဆိုသော အတွေးများဖြင့်လည်း စိုးရိမ်ပူပန်ကြခြင်း မဖြစ်စေလိုကြောင်း ပညာရှင်များက အလေးအနက်ထား ထုတ်ဖော်ပြောကြားခဲ့သည်။

အကယ်၍သာ မကြာမီ နှစ်လရက်များအတွင်း ထိုသို့ ဖြစ်လာခဲ့ပါက သမိုင်းတင်ပြီး ခေတ်နောက်ပိုင်း၌ အထူးခြား အဆန်းပြားဆုံး ဖြစ်သည့် ရက်သတ္တပတ် အနည်းငယ်ခန့် နေ့ချည်းသက်သက်သာ ရှိခြင်းကို ကျွန်တော်တို့ခေတ် လူသားများ တွေ့ကြုံ မှတ်တမ်းတင်ခွင့် ရရှိဖွယ် ရှိသည်ဟု တင်ပြလိုက်ရပါသည်။ (mmdailynews)

အိန္ဒိယ ဆိုက်ရောက်ဗီဇာ မြန်မာပါဝင်

အိန္ဒိယနိုင်ငံသို့ ရောက်ရှိလာကြသည့် ခရီးသွားဧည့်သည်များအား ဆိုက်ရောက်ဗီဇာထုတ်ပေးသည့် နိုင်ငံများစာရင်းတွင် မြန်မာနှင့် အင်ဒိုနိရှားနှစ်နိုင်ငံကိုပါ တိုးချဲ့လိုက်ကြောင်း အိန္ဒိယ အစိုးမှ ယနေ့ထုတ်ပြန်ကြေငြလိုက်သည်။ အဆိုပါ ဆိုက်ရောက်ဗီဇာထုတ်ပေးရေး အစီစဉ်ကို ပြီးခဲ့သည့် 2010 ခုနှစ် ဇန်န၀ါရီ ၁-ရက်နေ့တည်း စတင်ကျင့်သုံးခဲ့တာ ဖြစ်ပြီး ဂျပန် စင်္ကာပူ ဖင်လန် နယူးဇီလန်နှင့် Luxembourg တို့ ပါဝင်ခဲ့သည်။ ဖော်ပြပါနိုင်ငံများအပြင် ကမ္ဘောဒီယား လာအို ဗီယက်နန်တို့အပြင် ဖိလစ်ပိုင်တို့ပါ ပါဝင်လာခဲ့သည်။ ၄င်းဆိုက်ရောက်ဗီဇာ ထုတ်ပေးေ၇းအစီစဉ်မှာ အသုံးတည့်လာတာကြောင့် ယခုတစ်ကြိမ် မြန်မာနှင့် အင်ဒိုနီးရှားနိုင်ငံတို့ကိုပါ တိုးချဲ့ပြီး ဆိုက်ရောက်ဗီဇာ ထုတ်ပေးဖို့ ဆုံးဖြတ်ခဲ့ခြင်းဖြစ်ကြောင်းသိရသည်။ ဆိုက်ရောက်ဗီဇာ သက်တမ်းမှာ ရက်ပေါင်း 30 ဖြစ်ပြီး Delhi, Mumbai, Chennai နှင့် Kolkata လေဆိပ်တို့တွင် ရယူနိုင်သည်ဟုသိရသည်။ ဆိုက်ရောက်ဗီဇာတန်ဖိုးမှာ အမေရိကန်ဒေါ်လာ 60 ဟုသိရသည်။

ရန်ကုန်မြို့တွင် ယာဉ်တိုက်မှုဖြစ်ပွါး

ယနေ့နံနက်ပိုင်း ၈ နာရီ ၃၀ မိနစ်ခန့်က ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းဆုံတွင် ခရီးသည်တင်ကားတစ်စီး ဘရိတ်ပေါက်ရာမှ အခြားယာဉ်များကိုပါ ဆင့်ကဲတိုက်မှုများ ဖြစ်ခဲ့ရာ ခရီးသည်တစ်ဦး ပွဲချင်းပြီး သေဆုံးသွားပြီး လူဆယ်ဦးခန့် ပြင်းထန်စွာ ဒဏ်ရာ ရရှိသွားခဲ့ကြောင်း သိရသည်။ အဆိုပါ BM သ-၉၀၆၆ ကားမှာ ကမ္ဘာအေးဘုရားလမ်းမှ မောင်းနှင်လာစဉ် ယခုကဲ့သို့ ဘရိတ်ပေါက်ပြီး အခြားယဉ်များသို့ပါ ဆင့်ကဲတိုက်မှုများ ဖြစ်ပွါးခဲ့ပြီး လမ်းလက်ဝဲဖက်ရှိ စူပါပါဝါ လျပ်စစ်ပစ္စည်း ဆိုင်သို့ပါ တိုက်သွားခဲ့သည်။

ပြီးခဲ့သည့် စနေနေ့ညကလည်း စစ်အစိုးရရုံးစိုက်ရာ နေပြည်တော်တွင် ယာဉ်တိမ်းမှောက် မှုဖြစ်ပွားခဲ့ရာ ဂျပန်လူမျိုးသွားဆရာဝန် Hideki Hasegawa သေဆုံးသွားခဲ့ပြီး အခြားခရီးသည်များလည်း ဒဏ်ရရှိသွားခဲ့ကြောင်းသိရသည်။

အရှက် အကြောက် တရားနှစ်ပါး ကင်းမဲ့ခဲ့သော်--- အပိုင်း ( ၁ )

ကျေးဇူးတော်ရှင် တောင်မြို့ မဟာဂန္ဓာရုံဆရာတော်ဘုရားကြီး အရှင်ဇနကာဘိဝံသက ဟိရိ သြတပ္ပတရားနှစ်ပါးနှင့် ပတ်သက်၍ “ဒုစရိကို ဟိရီရှက်စွ၊ လန့်သြတ္တနှင့်” ဟု ဖွင့်ဆိုတော်မူခဲ့သည်။ ဆိုလိုသည့် အဓိပ္ပါယ်မှာ မကောင်းမှု ဒုစရိုက်များကို ပြုလုပ်ရမည်မှ ရှက်ခြင်းသဘောသည် ဟိရီ ဖြစ်ပြီး ယင်းမကောင်းမှု ဒုစရိုက်များကို ပြုရမည်မှ ကြောက်လန့်ခြင်း သဘောသည် သြတပ္ပ ဟု ဆိုလိုခြင်းသဘောဖြစ်သည်။ တနည်းအားဖြင့် ဆိုရသော် ဟိရီ၏သဘောသည် မကောင်းမှု ဒုစရိုက်များကို ပြုလုပ်ရမည်မှ ရှက်ခြင်းသဘောရှိသောကြောင့် မိမိ၏ဂုဏ်သိက္ခာကို မိမိကိုယ်တိုင် စောင့်ရှောက်ခြင်းသဘောရှိသည်ဟု ဆိုသည်။ ထို့ကြောင့် မိမိကိုယ်တိုင် မိမိတွင်ရှိသည့် ဂုဏ်သိက္ခာကို လေးစားသူများတွင် ဟိရီတရား ကိန်းအောင်းနေသည်ဟု ဆိုနိုင်ပေသည်။

သြတပ္ပ၏သဘောကတော့ မိမိက မကောင်းမှုဒုစရိုက်များကို ပြုလုပ်လိုက်သည့်အတွက် ကိုယ်၏မိဘဆွေမျိုး အသိုင်းအ၀ိုင်းတို့၏ ဂုဏ်သိက္ခာကို ထိခိုက်မည်မှ ကြောက်လန့်ခြင်း သဘောရှိသည်။ ထိုကြောင့် တစ်ပါးသူတို့၏ဂုဏ်သိက္ခာကို ငဲ့ညှာတတ်သူများတွင် သြတပ္ပတရား ကိန်းအောင်းသည်ဟု ဆိုရပေမည်။ ယင်း တရား ၂-ပါးကိုပင် လူတို့အကြား မိဘနှင့်သားသမီး မောင်နှင့်နှမ ခွဲခြားသိမြင်နိုင်အောင် စောင့်ရှောက်တတ်သည့်အတွက် လောကပါလ- ကမ္ဘာစောင့် တရားကြီး နှစ်ပါးဟု ခေါ်ဆို၍၇သေးသည်။ ထိုတရားနှစ်ပါးသာ လူလောကတွင် ဆိတ်သုဉ်းသွားခဲ့ပါက လူနဲ့ တိရစ္ဆာန် ခွဲခြား၍ ရနိုင်တော့မည်မဟုတ်ပေ။

ဤနေရာတွင် လူသည် အသိဉာဏ်ရှိသည့် လူသားတစ်ယောက် ဖြစ်သည့်အားလျော်စွာ ဘယ်အရာသည် ဒုစရိုက် ဘယ်အရာသည် သုစရိုက်စသည်ဖြင့် အကောင်းအဆိုး အကြောင်းအကျိုးကိုတော့ ခွဲခြမ်းသိမြင်ဖို့လိုအပ်ပေသည်။ အကယ်၍ အကြောင်းအရာတစ်ခုက နက်နဲပြီ ခက်ခဲနေပါကလည်း တတ်သိနားလည်သူများထံမှ လေ့လာမှု သင်ယူမှုများမှာ အထူးလိုအပ်လှပေသည်။ ယင်းကဲ့သို့ မဟုတ်ပါပဲ ပုဂ္ဂိုလ်ခင်၍ တရားမင်သည် ဆိုသည့်အတိုင်း မိမိနဲ့ ရင်းနှီးမှု ကြည်ညိုမှု စသည်ကို လိုက်ပြီး ထိုသူ၏စကားမှ အမှန်ဟု ယူဆလျှင် လမ်းမှားကိုပင် လမ်းမှန်ဟု တလွဲဖောက်ပြန်သွားတတ်သည်။ အမှန်မှ အမှားသို့ မှားမှားယွင်းယွင်း ဖောက်ဖောက်ပြန်ပြန် လွဲမှားစွာ ယူလေ့ရှိသည်ကိုပင် မိစ္ဆာဒိဋ္ဌိဟု ခေါ်ဆို၇သည်မဟုတ်ပါလော။

ယခုတစ်လောအတွင်း မြန်မာနိုင်ငံတွင် အငြင်းပွါးဖွယ်ရာတစ်ခုမှာ အရှင်ဣဒ္ဓိပါလ ဦးစီး ကျင်းပသည်ဆိုသည့် စိတ်ဓာတ်မြှင့်တင်ရေး သင်တန်း ပင်ဖြစ်သည်။ ယင်းသင်တန်း၏ လှုပ်ရှားမှု အချို့ပြကွက်များမှာ ထေရ၀ါဒ ဗုဒ္ဓဘာသာ နှင့် ထေရ၀ါဒသံဃာတော်တစ်ပါး၏ သိက္ခာနှင့် မသင့်လျော် မညီညွတ်သည်တို့ကို လူအများစု တွေ့မြင်ကြရပြီးဖြစ်သည်။ ယင်းနဲ့ပတ်သက်ပြီး အပြန်အလှန်ငြင်းခုံမှုများကိုလည်း ကြားနေဆဲဖြစ်လေသည်။ ၄င်းငြင်းခုံမှုအကြောင်းအရာများကိုတော့ စာရေးသူအနေဖြင့် ပြန်လည်ပြီး မတင်ပြလိုတော့ပေ။ သို့သော်လည်း အဆိုပါသင်တန်း၏ လုပ်ဆောင်မှု အချို့နဲ့ပတ်သက်ပြီး မိမိလေ့လာမိသမျှ တင်ပြလိုသည်။ စိတ်ဓာတ်မြှင့်တင်ရေး ဟုအမည်ပေးထားသည့် သင်တန်းတွင် စည်းကမ်းချက် ၅ ချက် နှင့် သင်ရိုးညွှန်းတမ်းပေါင်း အချက် ၂၀ ကိုတွေ့ရသည်။ ဒီနေရာတွင် စာရေးသူပေးခဲ့သည့် ခေါင်းစီးနဲ့ ကိုက်ညီမှု ရှိစေရန်အတွက် သင်တန်း၏ အခြားစည်းကမ်းချက် သင်ရိုးညွှန်းတမ်း များစွာကို မဆွေးနွေးလိုပေ။ စည်းကမ်းချက် ငါးချက်တွင်ပါဝင်သည့် ၄ -နံပါတ်ပါ “ရှက်ခြင်း ကြောက်ခြင်း လုံးဝမရှိစေရ” ဆိုသည့် အချက်ကိုသာ ဆွေးနွေးတင်ပြလိုသည်။

ရှစ်ပါးသီလထဲတွင် တစ်ခုအပါအ၀င်ဖြစ်သည့် “နစ္စ ဂီတ ၀ါဒိတ ၀ိသူကဒဿနာ ဝေရမဏိ သိက္ခာပဒံ သမာဒိယာမိ” ဆိုသည့် သိက္ခာပုဒ်မှာ ရဟန်းသံဃာတော်များနဲ့ သီလရင်များသာမက ဥပုသ်သီတင်းသီလ ဆောက်တည်ကြသည့် လူပုဂ္ဂိုလ်များပါ ကျင့်သုံးလိုက်နာရမည်မှာ လူတိုင်းအသိပင်ဖြစ်သည်။ ၄င်းသိက္ခာပုဒ်၏ ဖွင့်ဆိုချက်များအရ ကခုန်ခြင်း သီချင်း သီဆိုခြင်း တီးမှုတ်ခြင်းများသည် ကိလေသာကို ဖြစ်ပွါးစေတာကြောင့် ဘုရားသာသနာတော်၏ ငြောင့်သဖွယ်ဖြစ်ကြောင်း ဟောတော်မူခဲ့သည်။ ယင်းစကားတော်သည် ဘု၇ားဟောတစ်ခုပင်ဖြစ်သည်။ ဘုရားဟောကို လျစ်လျူရှုပြီး ဘယ်သူတွေကတိုင် ခွင့်ပြုထားတာပဲ၊ ဘယ်သူတွေကော ကင်းကြရဲ့လား စသည်ဖြင့် ကျိုးကြောင်းဆီလျော်မှုမရှိ အခြေအမြစ်မရှိသည့် ဆင်ခြေတွေနဲ့ ကိုယ်လိုဆွဲ ပြောဆို တုံ့ပြန်ခြင်းမှာ ကိုယ့်ပေါင်ကို လှန်ထောင်း ဆိုသလို တုန့်ပြန်သူရဲ့ အရည်အချင်းကို ကိုယ်တိုင် ဖော်ပြသကဲ့သို့ဖြစ်စေသည်။ ဖြစ်သင့် မသင့် မိမိအလုပ်သည် ကျိုးကြောင်း ဆီလျော်မှု ရှိ မရှိစသည်တို့ကို ထောက်ပြပြီ ရှင်းပြခြင်းကသာလျှင် အများအတွက် အကျိုးရှိစေရုံသာမက မိမိ၏ လုပ်ဆောင်မှု ရပ်တည်မှုများကိုလည်း ဂုဏ်သိက္ခာတက်စေသည်။

လုပ်ဆောင်နိုင်မှု အင်အားကို အမှန်အဖြစ်အသုံးချခြင်းသည် အမှန်တရားနဲ့ အမှန်တရားမြတ်နိုးသူများကို စော်ကားသကဲ့သို့ ဖြစ်စေသည့်တစ်ချိန်တည်းမှာပင် အမှန်တရားလောကကြီးကလည်း အမှားကို အမှန်ထင်ပြီး လုပ်ဆောင်နေသည့် မိမိ၏လုပ်၇ပ်များကို ပြက်ရယ်ပြုနေမည်သာဖြစ်သည်။ ယခုအခါ မြန်မာနိုင်ငံတွင် အမှန်တရားသည် အင်အားဖြစ်ရမည့်အစား အင်အားသည် အမှန်တရားအဖြစ် အသုံးချလာနေမှုများကို လူလောက လူဘောင်အသိုင်းအ၀ိုင်းတွင်သာက ဘာသာရေးနယ်ပယ် အတွင်းထဲသို့ပါ တစ်နေ့တစ်ခြား ထိုးဖောက်ဝင်ရောက်လာနေသည်ကို ၀မ်းနည်းဖွယ်ရာ တွေ့မြင်နေကြရသည်။ တကယ်တန်းတွင် ယင်းကဲ့သို့ အင်အားကိုအသုံးပြုပြီး အမှားကို အမှန်အဖြစ် အသုံးချမှုများသည် ဗုဒ္ဓဘာသာသမိုင်းတွင် အသစ်အဆန်းတစ်ခုတော့ မဟုတ်ပေ။ ယင်းကဲ့သို့ အင်အားကို မှားယွင်းစွာအသုံးပြုမှုသည် ဘာသာ သာသနာ အဆောက်အအုံတစ်ခုလုံး၏ ပျက်သုဉ်းခြင်း လမ်းစပင်ဖြစ်သည်။ ယင်းနဲ့စပ်လျင်း၍ ဒုတိယသင်္ဂါယနာမတိုင်မှီ မြတ်စွာဘုရား ပွင့်ထွန်းတော်မှုခဲ့ရာ အိန္ဒိယပြည်ကြီးမှ ဗုဒ္ဓဘာသာ၏ အခြေနေနဲ့ ယင်းဒေသမှ ဗုဒ္ဓဘာသာ ဆိတ်သုဉ်းသွားခဲ့ရခြင်းအကြောင်းများကို ဒုတိယပိုင်းတွင် တင်ပြသွားမည်။

(သခင်နွယ်)

မြန်မာသင်္ဘောသားများ အသက်ဘေးမှ လွတ်မြောက်လာ

ပြီးခဲ့သည့် စနေနေ့က ပင်လယ်ဓားပြများ၏ ပြန်ပေးဆွဲခြင်းကို ခံထားရသည့် မြန်မာနိုင်ငံသား ၁၁ ဦးအပါဝင် သင်္ဘောသား ၂၁-ဦးပါဝင်သည့် တောင်ကိုရီယား ဓာတုဗေဒကုန်တင် သင်္ဘောပေါ်မှ သဘောင်္သားမျာကို အိုမန်နှင့် အာဖရိကနှစ်နိုင်ငံအကြား ရေပြင်တွင် ယနေ့မနက်ပိုင်း အာရုံမတက်ခင်တွင် တောင်ကိုးရီးယား ရေတပ်မှ ကယ်တင်နိုင်လိုက်သည်။ တောင်ကိုးရီယား အထူးတပ်ဖွဲ့ဝင်မျာက အပိုင်စီးခံထားရသည့် ကုန်တင်သဘောင်္ကြီးကို လက်နက်ကြီးများဖြင့် ပစ်ခတ်ပြီး သင်္ဘောသား ၂၁ ယောက်ကို ကယ်တင်နိုင်ခဲ့ခြင်းဖြစ်သည်။ အဆိုပါ ပစ်ခတ်မှုအတွင်း တုန့်ပြန်တိုက်ခိုက်လာသည့် ဆိုမာလီ ပင်လယ်ဓားပြ ၈ - ဦးကို အသေသတ်ခဲ့ပြီး ၅-ဦးကို ဖမ်းဆီးရရှိခဲ့သည်ဟုသိရသည်။ သင်္ဘောကြီး၏ ကပ္ပတိန်ဖြစ်သူမှာ ပင်လယ်ဓားပြ၏ပစ်ခတ်မှုကြောင့် ဒဏ်ရာရရှိခဲ့ပြီး အမေရိကန် စစ်ရဟတ်ယာဉ်မှ ဆေးကုသနိုင်ရေးအတွက် သယ်ဆောင်သွားခဲ့ကြောင်းသိရပြီး ၄င်းဒါဏ်၇ာမှ အသက်ကို အန္တရယ်မပြုနိုင်ဟုသိရသည်။ တောင်ကိုးရီးယားသမ္မတ Lee Myung-bak က တယ်လီဗေးရှင်းမှ သူပြည်သူများကို ပြောဆိုရာတွင် နောင်ကို သူပြည်သူများ၏ အသက်နဲ့ လုံခြုံရေး ခြိမ်းခြောက်လာမည့် ဘယ်ခြိမ်းခြောက်မှုမျိုးကိုမဆို သည်းခံသွားမည်မဟုတ်ဟု ပြောဆိုသွားခဲ့သည်။ အဆိုပါ ကုန်တင်သင်္ဘောကြီးပေါ်တွင် တောင်ကိုရီးယားသင်္ဘောသား ရှစ်ယောက် အင်ဒိုနီးရှား နှစ်ယောက်နှင့် မြန်မာသင်္ဘောသား ဆယ်တစ်ယောက်တို့ ပါဝင်ကြောင်းသိရသည်။

လူထုခေါင်းဆောင် အင်တာနက် တပ်ဆင်ခွင့်ရရှိ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အင်တာနက်လိုင်း တပ်ဆင်ခွင့် ရရှိသွားပြီဖြစ်ကြောင်းသိရသည်။ အင်တာနက်တပ်ဆင်ခွင့်ကို ပြီးခဲ့သည့် လကတည်းက လျှောက်ထားခဲ့တာဖြစ်ပြီး ယခုနောက်ဆုံးအကြိမ် နေအိမ်အကျယ်ချုပ်မှ လွတ်မြောက်လာကတည်းက Twitter တို့လို့ လူမှု ကွန်ယက်များမှတစ်ဆင့် ပြည်တွင်းပြည်ပရှိ လူငယ်များနှင့် ကျယ်ကျယ်ပြန့်ပြန့်ဆက်သွယ်ဖို့ ဆန္ဒရှိကြောင်းပြောဆိုခဲ့ပြီးဖြစ်သည်။ ယခုလို စစ်အစိုးဖက်မှ အင်တာနက် သုံးစွဲခွင့်ချပေးလိုက်သော်လည်း ဘယ်အတိုင်းအတာအထိ လွတ်လပ်စွာသုံစွဲခွင့်ပြုထားမည် ဆိုတာကိုတော့ စောင့်ကြည့်ရမည်ဖြစ်သည်။

ပုံမှန်မဟုတ်သည့် ၁၄-ရက်နေ့ထုတ် ကြေးမုံသတင်းစာ

မြန်မာနိုင်ငံတွင် အငြင်းပွါးဖွယ်ရာဖြစ်နေသည့် အရှင်ဣဒ္ဓိပါလ ဆိုသူ၏ “စိတ်ဓာတ်မြှင့်တင်ရေး သင်တန်း” နဲ့ပတ်သက်ပြီး မြန်မာနိုင်ငံတွင်း ၁၄.၁.၂၀၁၁ နေ့ စစ်အစိုးရထုတ် ကြေးမုံသတင်းစာ စာမျက်နှာ ၁၇-တွင် သင်းတန်းကြော်ငြာ ပါရှိခဲ့သော်လည်း ပြည်တွင်း ပြည်ပရှိ ရဟန်းသံဃာတော်များနှင့် ထေရ၀ါဒဗုဒ္ဓဘာသာကို တန်ဖိုးထားကြသည့် ဒါယကာ ဒါယိကာမများ၏ ဝေဖန်ကန့်ကွက်တွေများလာတာကြောင့် ယခုအခါတွင် ကြေးမုံအွိုင်းလိုင်း သတင်းစာပါ အဆိုပါ ကြေငြာကို ပယ်ဖြုတ်လိုက်ပြီး ၄င်းအစား ၁၅-ရက်နေ့ထုတ် သတင်းစာ အပိုင်းအစဖြင့် အစားထိုးထားသည်ကိုတွေ့မြင်ရသည်။

၎င်းသင်တန်း၏ လှုပ်ရှားမှုပြကွက်များမှာ ထေရ၀ါဒဗုဒ္ဓဘာသာ၊ ထေရ၀ါဒ ရဟန်းတော်တစ်ပါး၏ ကျင့်ဝတ်သိက္ခာများနှင့် ဖီလာဆန့်ကျင်နေသည်ဟု ပြည်ပရှိ သံဃာတော်တစ်ပါးက အမိန့်ရှိသည်။ ယင်းသင်တန်း၏ အဖွင့်အမှာစကား ပြောကြားချက်များကို လေ့လာကြည့်ပါက စစ်အစိုးရ အုပ်ချုပ်စဉ် သက်တမ်းကာလတစ်လျှောက်လုံး ပြောဆိုခဲ့သည့် စကားအသုံအနှုံး များကိုကြားသိရသည်။ သင်းတန်းခေါင်းဆောင် အရှင်ဣဒ္ဓိပါလ ဆိုသူဦးစီးသည့် ယင်းသင်တန်းကို မြန်မာနိုင်ငံတွင်၂၀၀၉ ခုနှစ်မှ စတင်ဖွင့်လှစ်ခဲ့သည်ဟုသိရှိရသည်။

စစ်အစိုးရ စိတ်တိုင်းကြ ရေးဆွဲထားသည့် ၂၀၀၈ ခုနှစ် ဖွဲ့စည်းပုံအခြေခံဥပဒေများအရ၂၀၁၀ ခုနှစ်တွင် ရွေးကောက်ပွဲကို ကျင်းပခဲ့ပြီး စစ်အုပ်စုလွှတ်တော် ကိုယ်စားလှယ်အများစုဖြင့် ပြည်သူလွှတ်တော်ကို လာမည့် ဇန်န၀ါရီ ၃၁ ရက်နေ့တွင် ကျင်းပခေါ်ယူမည်ဟု စစ်အစိုးရမှ ကြေငြာထားသည်။ ယခုလို ပြည်သူများအတွင်း အာရုံနောက်ဖွယ်ရာ ကိစ္စရပ်များကို ဖန်တီးနေခြင်းသည် လွတ်တော်အတွင်း အငြင်းပွါးဖွယ်ရာ ကိစ္စရပ်များကို ပြည်သူအများ စိတ်ပါဝင်စားမှုမရှိစေရန် အာရုံလွှဲသည့် နအဖစစ်ခေါင်းဆောင် ဗိုလ်သန်းရွှေ၏ စိတ်ဓာတ်စစ်ရေးတစ်ရပ်အဖြစ် အများကမှတ်ယူနေကြသည်။

သီရိလင်္ကာရောက် မြန်မာကျောင်းသားရဟန်းတော်များ၏ သဘောထုတ်ပြန်ကြေငြာချက်

Statement for Eidapala 2

မြန်မာသဘောင်္သားများပါဝင်သည့် သဘောင်္တစ်စီး ပင်လယ်ဓားပြများ ဖမ်းဆီး

မြန်မာသင်္ဘောသား ၁၁ ဦးပါဝင်သည့် တောင်ကိုရီယား ဓာတုဗေဒကုန်တင် သင်္ဘောတစ်စီးကို ယနေ့ စနေနေ့ နေ့ခင်းပိုင်းက ဆိုမာလီ ပင်လယ်ဓားပြများက ပြန်ပေးဆွဲသွားခဲ့ကြောင်း တောင်ကိုရီးယား နိုင်ငံခြားရေးဌာနက ပြောဆိုကြောင်းသိရသည်။ အဆိုပါ သင်္ဘောဖမ်းဆီးခံရချိန်တွင် တန်ချိန်

11,500-တင်ဆောင်ထားသည်ဟု သိရှိရပြီး U A E နိုင်ငံမှ သီရိလင်္ကာနိုင်ငံသို့ ဦးတည်ခုတ်မောင်းလာနေစဉ် ယခုကဲ့သို့ ဆိုမာလီ ပင်လယ်ဓားပြများ၏ ဖမ်းဆီးခြင်းကို ခံလိုက်၇ကြောင်းသိရသည်။ ၄င်းသင်္ဘောပေါ်တွင် တောင်ကိုရီးယးသင်္ဘောသား ရှစ်ယောက် အင်ဒိုနီးရှား နှစ်ယောက်နှင့် မြန်မာသင်္ဘောသား ဆယ်တစ်ယောက် တို့ ပါဝင်ကြောင်းသိရသည်။

(news.yahoo)

ထေရ၀ါဒဗုဒ္ဓဘာသာနှင့် ဆန့်ကျင့်သည့် သင်္ကန်းဝတ်တစ်ဦး၏ လုပ်ဆောင်ချက်

(ကြေးမုံသတင်းစာပါ ကြော်ငြာ)

ယခု ရက်ပိုင်းများအတွင်း YouTube နှင့် အင်တာနက် ၀ဒ်ဆိုက်များပေါ်တွင် ပျံ့နှံ့နေသည့် သံဃာတော်တစ်ပါး ဦးဆောင်သည့် စိတ်ဓါတ်မြှင့်တင်ရေး သင်တန်းအမည်ခံ လှုပ်ရှားမှု ပြကွက်များကြောင့် ရဟန်းသံဃာတော်များနှင့် ဗုဒ္ဓဘာသာကို တန်ဖိုးထားလေးစားသည့် ဒကာ ဒကာမအများ စိတ်မသက်မသာ ဖြစ်နေကြရကြောင်း ကြားသိရသည်။

အဆိုပါ သင်တန်းကို ဦးဆောင်သူမှာ အရှင်ဣဒ္ဓိပါလ ဟု သင်တန်းအဖွင့်စကားတွင် ကြားသိရပြီး အဆိုပါသင်တန်းသို့ စစ်တပ်မှ အရာရှိကြီးများ မြို့ရွာအေးချမ်းသာယာရေးနဲ့ ရပ်ကွက်ဌာနဆိုင်ရာများမှ အချို့အာဏာပိုင်ပုဂ္ဂိုလ်များ ပါဝင်နေသည်ကိုလည်း သိရှိရသည်။ မြန်မာနိုင်ငံတွင် စစ်အစိုးရမှ ချုပ်ကိုင်သည့် သတင်းစာထဲတွင် ကြော်ငြာထည့်ပြီး အဆိုပါသင်တန်းကို ဖွင့်ခွင့်ရနေခြင်းမှာလည်း ထူးခြားနေသည်။ ၄င်းသင်တန်း၏ စည်းရုံးရေးတစ်ခုအနေဖြင့် သန်းတန်းသားဦးရေ တိုးပွါးရေးအတွက် လူ တစ်ယောက်မှ နောက်ထပ် ၅ ယောက် စည်းရုံးပေးကြရန် စည်းရုံးသိမ်းသွင်း ပြောကြားနေကြောင်း လည်းသိရသည်။

အဆိုပါ သင်တန်းအတွင်း လှုပ်ရှားမှု ပြကွက်များမှာ ထေရ၀ါဒ ဗုဒ္ဓဘာသာနှင့် လုံးဝဆန့်ကျင်နေပြီး သင်တန်းအစ အမှာစကားများအရ သာဓုခေါ်ခြင်းနှင့် လက်အုပ်ချီ ရှိခိုးမှုများကို တားမြစ်ထားပြီး ၄င်းတို့အစား လက်ခုပ်တီးပြီး အားပေးမှုကိုသာ မှာကြားထားသည်။ သင်တန်း၏အဖွင့်စကားတွင်လည်း စစ်အုပ်စုမှ ပြောဆိုနေကြ စကားမျာကိုသာ သင်တန်းမှုးလုပ်သူက ပြောဆိုသွားခဲ့သည်။ ၄င်းလှုပ်ရှားမှာ မည်သည့်နေရာတွင် ကျင်းပခဲ့သည်ဆိုသည်ကို အတိအကျမသိရသေးသော်လည်း သင်တန်းခန်းမ၏အနေအထားအရ ဘာသာရေးအဆောက်အအုံ တစ်ခုအတွင်းဖြစ်နေသည်မှာ ထင်ရှားနေသည်။ သတင်းဝဒ်ဆိုက်တစ်ခု၏ ဖော်ပြချက်အရ အဆိုပါသင်တန်းမှာ ၂၀၁၀ ခုနှစ် ဒီဇင်ဘာလအတွင်း ၊ ဘားအံ မြို့ ဇွဲကပင်ခန်းမတွင် ကျင်းပခဲ့သည်ဟု သိရှိ၇သည်။

ထေ၇၀ါဒဗုဒ္ဓသာသနာ ထွန်းကားသည့် မြန်မာနိုင်ငံတွင် ယခုကဲ့သို့ စစ်တပ်ထိပ်ပိုင်းခေါင်းဆောင်များ ပါဝင်ပြီး ထေရ၀ါဒနှင့် ဖီလာဆန့်ကျင့် ဖြစ်နေသည့် လုပ်ရပ်များကို သံဃာတော်တစ်ပါးအနေဖြင့် လုပ်ဆောင်နေခြင်းမှာ ၊ လုပ်ခွင့်ရနေခြင်းမှာ ထူးခြားနေသည်။ မြန်မာနိုင်ငံတွင် သာသနာနှင့် သံဃာရေးရာကိစ္စများကို ဦးဆောင်ဖြေ၇ှင်းနိုင်ရေးအတွက် နိုင်ငံတော် သံဃာ့မဟာနာယ (မဟန) အဖွဲ့ ဟု တရားဝင်တည်ရှိနေသော်လည်း တကယ့်လက်တွေ့တွင် သာသနာနှင့် သံဃာတော်များ၏ အကျိုးထက် စစ်အာဏာပိုင်များ၏ အမိန့်ကြေငြာစာမျာကိုသာ ထပ်ဆင့် ထုတ်ပြန်ပေးရသည့် အဆင့်အနေထားတွင်သာ တည်ရှိနေသည်။ စစ်အာဏာပိုင်များမှ သံဃာတော်များ ကို မတရားဖမ်းဆီးထောင်ချနေသည့်ကိစ္စ မတရား၇ိုက်နှက်ပြီး အနိုင်ကျင့်နေသည့်ကိစ္စများတွင်လည်း နိုင်ငံတော် သံဃာ့မဟာနာယကအဖွဲ့၏ တရားဝင်ကန့်ကွက်စာ ထုတ်ပြန်ချက်မျိုးများကိုလည်း မည်သည့်အခါမှ မကြားသိခဲ့ရပေ။ ယခုအခါတွင် သံဃာတော်များအနေဖြင့် ပြည်တွင်းပြည်ပ များသို့ ခရီးသွားလာခွင့်များကို ကန့်သတ်ခံထားရပြီး ပြည်ပထွက်ခွါခွင့်ရရှိရေးအတွက် သာသနာရေးဌာန၏ထောက်ခံစာများကို ၇ယူရာမှာလည်း သက်ဆိုင်ရာဝန်ထမ်းများအား လာဘ်ငွေများပေးကာ ထွက်ခွါနေကြကြောင်းကြားသိနေရသည်။ နောင်တစ်ချိန် မြန်မာပြည်တွင်း ပညာရေး နှင့် ဘာသာရေးစသည့် အကျိုးတို့အတွက် ရည်ရွယ်ပြီး ပြည်ပထွက် ပညာသင်ကြားနေကြရသည့် သံဃာတော်များအနေဖြင့် သာသနာအကျိုးအတွက်ဟု အမည်ခံထားပြီး ဖွင့်လှစ်ထားသည့် သာသနာရေးဦးစီးဌာနလို နေရာတွင် သံဃာတော်များ လာဘ်ငွေပေးပြီး ပြည်ပထွက်ခွါခွင့် ပညာသင်ကြားခွင့် ကြိုးစားလုပ်ဆောင်နေရခြင်းမှာ အနာဂတ်မြန်မာပြည် ဗုဒ္ဓဘာသာ သာသနာရေးအတွက် ၀မ်းနည်းစရာတစ်ရပ်ဖြစ်ကြောင်း မကြာခင်ကမှ ပြည်ပပညာတော်သင် ရောက်ရှိလာသည့် သံဃာတော်တစ်ပါးက မိန့်ဆိုခဲ့သည်။
ပြီးခဲ့နှစ် ၂၀၁၀ ခုနှစ်အတွင်းကလည်း သီရိလင်္ကာနိုင်ငံသား ဒေါက်တာအရှင်စန္ဒိမာ ၏ စီစဉ်မှုအရ မြန်မာနိုင်ငံမှ နာဂစ်ဒုက္ခသည် များဟု အမည်တပ်ကာ ကိုရင်ငယ် သီလရင်ငယ် အပါးတစ်ရာကျော်တို့ကို သာသာနာေ၇းဦးစီးဌာန၏ ခွင့်ပြုချက်ဖြင့် ခေါ်ဆောင်သွားခဲ့ဖူးသည်ဟု သိရသည်။ အဆိုပါကိစ္စမှာလည်း သာသနာရေးဌာနမှ အမျိုးသမီးနှစ်ဦးကိုယ်တိုင် သီရိလင်္ကာနိုင်ငံအထိ ၄င်းကိုရင်ငယ် သီလရင်ငယ်များကို လိုက်ပါပို့ဆောင်ပေးခဲ့ကြောင်းကိုလည်း ကြားသိရသည်။ အဆိုပါကိစ္စမှာ လူကုန်ကူးမှု ဥပဒေနှင့်ပင်ငြိစွမ်းနေသည်ဟု ဥပဒေပညာရှင်များက ပြောဆိုခဲ့ကြပြီးဖြစ်သည်။ သို့သော်လည်း အဆိုပါကိစ္စတွင် ပါဝင်ပတ်သက်နေသူများကို အရေးယူခြင်း ရှိ မရှိကိုတော့ မကြားသိရသေးပေ။ ယခုအခါတွင် သီရိလင်္ကာသို့ ရောက်ရှိသွားသည့် ကိုရင်ငယ် သီလရင်ငယ်အတော်များများကို သီတဂူဆရာတော်ကြီး၏အကူအညီဖြင့် တတိယနှင့် နောက်ဆုံးအသုတ်အဖြစ် ပြန်လည် ခေါ်ယူနိုင်ခဲ့ကြောင်း ကြားသိရသည်။
ယခုလက်ရှိ အင်တနက်ဝဒ်ဆိုက်များပေါ်တွင် ပျံ့နှံနေသည့် ထေရ၀ါဒနှင့် မကိုက်ညီသည့် သံဃာတော်တစ်ပါး၏ (ရဟန်းစစ် မစစ်ကိုတော့ အတိအကျမသိရပေ) လုပ်ရပ်များကို မြန်မာနိုင်ငံ နိုင်ငံတော် သံဃာ့မဟာနာယကအဖွဲ့နှင့် သာသနာရေးဦးစီဌာနတို့မှ မည်ကဲ့သို့ ကိုင်တွယ်လုပ်ဆောင်သွားမည်ကိုတော့ စောင့်ကြည့်ကြရအုံးမည်ဖြစ်သည်။

သံဃာတော်တစ်ပါး စွန်းအားရှင်၏ အပြင်းအထန်ရိုက်နှက်မှုခံရ

ပြီးခဲ့သည့် အင်္ဂါနေ့ညပိုင်းက ရန်ကုန်တိုင်း ဒဂုံမြို့သစ်တောင်ပိုင်း ၁၀၇ ရပ်ကွက်ရှိ ဓမ္မ၀ိဟာရစာသင်တိုက်မှ အရှင်ဓမ္မုဿရ ကို စွမ်းအားရှင် ၂၀ ခန့်က၀ိုင်းရိုက်ပြီး သေပြီအမှတ်ဖြင့် စွန့်ပစ်ခဲ့ရာမှ အဆိုပါသံဃာတော်မှာ မသေပဲ ဆေးရုံတစ်ခုတွင် ဆေးကုသမှုခံယူခဲ့ပြီး ယခုအခါတွင် အဆိုပါသံဃာတော်မှာ စွမ်းအားရှင်အဖွဲ့၏ နောက်ထပ်တစ်ကြိမ် အန္တရယ်ပြုလာမည်ကို စိုးရိမ်သဖြင့် ထွက်ပြေးတိမ်းရှောင်နေရကြောင်းသိရသည်။ ထေရ၀ါဗုဒ္ဓဘာသာထွန်းကားသည်ဟု ကမ္ဘာက အသိအမှတ်ပြုခံထားရသည့် မြန်မာနိုင်ငံတွင် ၂၀၀၇ ခုနှစ် သံဃာတော်များ ဦးဆောင်သည့် ရွှေဝါရောင်တော်လှန်ရေးကာလ နောက်ပိုင်းမှစပြီး စစ်အစိုး၇နှင့် ၄င်းစစ်အုပ်စုမှ ကျွေးမွေးထားသည့် စွမ်းအားရှင်ကဲ့သို့သော အဖွဲ့များ၏ ရန်မူမှု အနှောင်အယှက်ပေးမှု မျိုးစုံကို သံဃာတော်များ ခံစားနေကြရသည်။ ယခုအခါတွင် သံဃာတော်များအနေဖြင့် ခရီးသွားလာခွင့်များကိုပါ ကန့်သတ်ခံနေကြရပြီး နိုင်ငံခြားသွားလာခွင့် ပတ်စပို့ ရရှိထားပြီး အဆိုပါ ပတ်စပို့ သက်တမ်းကုန်ဆုံးသည့်အခါများတွင် သက်တမ်းတိုးပေးရေးအတွက် များစွာမှ အခက်ခဲတွေ့နေကြ၇ကြောင်း ကြားသိနေရသည်။ သံဃာတော်များ၏အကျိုးအတွက်ဟုဆိုကာ ဖွဲ့စည်းထားသည့် သံဃာ့မဟာနာယက အဖွဲ့အနေဖြင့်လည်း သံဃာတော်များ၏ အကျိုးထက် စစ်အာဏာရှင်ကြီးများ၏ အလိုကျအတိုင်း သံဃာတော်များအတွက်ရည်ရွယ်ကာ ကန့်သတ်ချက် ထုတ်ပြန်ချက်မျိုးစုံကို ထုတ်ပြန်နေတာကြောင့် စစ်အာဏာရှင်များ၏ လက်ကိုင်တုတ် သံဃာ့စွမ်းအားရှင်အဖွဲ့အဖြစ် သံဃာတော်များအကြား တစ်နေ့တစ်ခြား ပြောဆိုမှုတွေ တိုးပွါးလာနေကြာင်းသိရသည်။ အဆိုကိစ္စနဲ့ပတ်သက်ပြီး သံဃာတော်တစ်ပါးကတော့ မြန်မာနိုင်ငံရှိ သံဃာတော်များရဲ့ဘ၀ဟာ မိဘမဲ့ အားကိုရာမဲ့တဲ့ အခြေနေမျိုးမှာ ရောက်ရှိနေပြီး အချို့ အကျင့်ပျက်သည့် သံဃာတော်အချို့ကြောင့် ဒကာ ဒကာမများ၏ အထင်မြင်သေးမှုတွေကို ခံစားနေကြ၇ကြောင်းနှင့် သံဃာတစ်ပါးအနေနဲ့ မြန်မာနိုင်ငံတွင်းမှာနေရသည်မှာ တစ်နေ့တခြာ့းငြီးငွေ့လာနေကြကြောင်း ပြောဆိုသွားခဲ့သည်။ ထို့အပြင် စစ်အာဏာပိုင်များအနေဖြင့် အကျင့်ပျက်သူများကို အရေးယူမှုမျိုး မလုပ်ပဲ နိုင်ငံရေးလိုကိစ္စများတွင်ပါဝင်သည်ဟု သံသယဖြစ်ခံရသည့် သံဃာတော်များကိုသာ အပြင်းအထန် အပြစ်ပေး အရေးယူလျှက်ရှိကြောင်း အဆိုပါသံဃာတော်က ပြောဆိုသွားခဲ့သည်။

ကလေးမြို့တွင် ကျောင်းသားဆန္ဒပြမှုဖြစ်ပွါး

စစ်ကိုင်းတိုင်း ကလေးမြို့ တွင် ယနေ့ ဇန်န၀ါရီလ ၁၂ ရက် နေ့ မနက်က ကလေးမြို့တွင်းမှ သက်ဆိုင်ရာ တက္ကသိုလ်များသို့ ပြေးဆွဲနေသည့် ကျောင်းကားခများ ယခင် အသွားအပြန် ကျပ်တရာမှ လေးရာအထိ ရုတ်တရက် တက်သွားမှုကြောင့် ဂျီတီစီတက္ကသိုလ် ကွန်ပြူတာ တက္ကသိုလ် နှင့် ကလေးတက္ကသိုလ်တို့မှ တက္ကသိုလ်ကျောင်းသား/သူ သုံးရာကျော်ခန့် ဒကစ ဒေသဆိုင်ရာ ဒေသဆိုင်ရာစစ်ကွပ်ကဲမှုရုံးအထိ လမ်းလျှောက်စီတန်းပြီး ကားခလျှော်ချပေးရေး တောင်းဆိုခဲ့ကြကြောင်းကြားသိရသည်။ နောက်ဆုံးတွင် အာဏာပိုင်များမှ ကျောင်းသားများတောင်းဆိုသည့်အတိုင်း လိုက်လျောလာတာကြောင့် ဆန္ဒပြပွဲအေးအေးချမ်းချမ်းပြီးဆုံးသွားခဲ့ကြောင့်သိရသည်။ ယခုကဲ့သို့ ကျောင်းကားခ ဈေးနှုးန်များရုတ်တရက်တာလာခြင်းမှာ ပြီးခဲ့သည့် တနင်္လာနေ့က မေတ္တာမွန် စက်သုံးဆီ အရောင်းဆိုင်တွင်မီးလောင်မှုဖြစ်ခဲ့ပြီး နောက်တစ်ရက်တွင်ဖြစ်ပွါခဲ့ရခြင်းဖြစ်သည်။

ပြီးခဲ့သည့် ၂၀၁၀ ခုနှစ်အတွင်းကလည်း ရခိုင်ပြည်နယ် စစ်တွေမြို့အတွင်း ကျောင်းကားခများ ဈေးတက်မှုကြောင့် ယခုကဲ့သို့ ကျောင်းသားတန်းစီဆန္ဒပြမှုများဖြစ်ပေါ်ခဲ့ဖူးသည်။

ဥပဒေ၊ နည်းဥပဒေ စာအုပ်(၁၇)မျိုး ထုတ်ဝေဖြန့်ချီ

မြန်မာနိုင်ငံတွင် နှစ်နှစ်ဆယ်အတွင်း ပဌမဆုံးအကြိမ်ကျင်းပခဲ့သည့် ရွေးကောက်ပွဲအတွင်း သက်ဆိုင်ရာဒေသအသီးသီး၌အနိုင်ရလွှတ်တော်ကိုယ်စားလှယ်များ လွတ်တော်မခေါ်မှ ကြိုတင်ပြီးလေ့လာစေနိုင်ရန် ဥပဒေ၊ နည်းဥပဒေ စာအုပ်(၁၇)မျိုးအား ပုံနှိပ်ထုတ်ဝေဖြန့်ချိလိုက်ကြောင်းသိရသည်။

ပထမအကြိမ် ပြည်သူ့လွှတ်တော်အစည်းအဝေး၊ ပထမအကြိမ် အမျိုးသားလွှတ်တော် အစည်းအဝေး၊ ပထမအကြိမ် တိုင်းဒေသကြီး သို့မဟုတ် ပြည်နယ်လွှတ်တော် အစည်းအဝေးများကို ၁၃၂၇ ခုနှစ်၊ ပြာသိုလပြည့်ကျော် ၁၂ ရက် (၂၀၁၁ ခုနှစ်၊ ဇန်န၀ါရီလ ၃၁ ရက်) တနင်္လာနေ့၌ စတင်ကျင်းပတော့မည်ဟု စစ်အစိုးရမှ ကြေငြာထားသည်။ အဆိုပါ ဥပဒေ၊ နည်းဥပဒေစာအုပ် (၁၇)မျိုးမှာ - နိုင်ငံတော် အထိမ်းအမှတ်တံဆိပ် ဥပဒေ၊ နည်းဥပဒေ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေနှင့် နည်းဥပဒေ၊ ပြည်ထောင်စု အစိုးရအဖွဲ့ ဥပဒေ၊ တိုင်းဒေသကြီး(သို့မဟုတ်) ပြည်နယ်အစိုးရအဖွဲ့ ဥပဒေ၊ ကိုယ်ပိုင် အုပ်ချုပ်ခွင့်ရတိုင်း (သို့မဟုတ်) ကိုယ်ပိုင် အုပ်ချုပ်ခွင့်ရဒေသ ဦးစီးအဖွဲ့ဥပဒေ၊ နေပြည်တော်ကောင်စီ ဥပဒေ၊ နိုင်ငံတော်ဖွဲ့စည်းပုံ အခြေခံဥပဒေဆိုင်ရာ ခုံရုံး ဥပဒေ၊ ပြည်ထောင်စုရာထူးဝန်အဖွဲ့ ဥပဒေ၊ နိုင်ငံတော်အလံ ဥပဒေနှင့် နည်းဥပဒေ၊ နိုင်ငံတော်သီချင်း ဥပဒေနှင့် နည်းဥပဒေ၊ ပြည်ထောင်စုလွှတ်တော်ဆိုင်ရာ ဥပဒေနှင့် နည်းဥပဒေများ၊ ပြည်သူ့လွှတ်တော်ဆိုင်ရာ ဥပဒေနှင့် နည်းဥပဒေများ၊ အမျိုးသားလွှတ်တော်ဆိုင်ရာ ဥပဒေနှင့် နည်းဥပဒေများ၊ တိုင်းဒေသကြီး(သို့မဟုတ်) ပြည်နယ်လွှတ်တော်ဆိုင်ရာ ဥပဒေနှင့် နည်းဥပဒေများ၊ ပြည်ထောင်စုတရားစီရင်ရေးဥပဒေ၊ ပြည်ထောင်စုရှေ့နေချုပ်ဥပဒေနှင့် ပြည်ထောင်စု စာရင်းစစ်ချုပ်ဥပဒေ တို့ဖြစ်ကြောင်း သိရသည်။ စစ်အစိုးရမှ ကျင်းပပေးခဲ့သည့် ၂၀၁၀ ရွေးကောက်ပွဲမှာ လွတ်လပ်ပြီး တရားမျှတမှုမရှိကြောင်း ပြည်တွင်းပြည်ပရှိအတိုက်အခံအဖွဲ့အစည်း အသီးသီးက ဝေဖေန်ပြောဆိုနေကြသည့်အပြင် ယခုလက်ရှိအချိန်တွင်လည်း ရွေးကောက်ပွဲအနိုင်ရ အချို့လွတ်တော်ကိုယ်စားလှယ်များမှာ ရွေးကောက်ပွဲမသာမှုစွပ်စွဲချက်များဖြင့် စစ်အုပ်စု၏လက်ကိုင်တုပ်လည်းဖြစ်သည့် ကြံဖွတ်ပါတီ၏ တရားစွဲဆိုမှုများကို ရင်ဆိုင်နေရဆဲလည်းဖြစ်သည်။

စာရေးဆရာ၊ ဒါရိုက်တာ မောင်ဝဏ္ဏ ကွယ်လွန်

စာရေးဆရာ ဒါရိုက်တာ မောင်ဝဏ္ဏ ( အသက် ၆၄ နှစ်) တွင် ကင်ဆာရောဂါဖြင့် ၁၀၊ ၁၊ ၂၀၁၀ ရက် ညနေတွင် ကွယ်လွန်သွားခဲ့ကြောင်းသိရသည်။ ကတ္တီပါ ဖိနပ်စီး ရွှေထီးဆောင်း'၊ 'ခုနစ်စဉ် အလွမ်း’ တို့ဖြင့် အကောင်းဆုံး ရုပ်ရှင်ဒါရိုက်တာဆု နှစ်ကြိမ် ရရှိ ခဲ့သူ ဖြစ်သည်။

ဆရာမောင်ဝဏ္ဏကို စာရေးဆရာ၊ ဒါရိုက်တာ သာဓု၊ ဒေါ်ခင်ညို တိုမှ ၁၉၄၇ ခုနှစ်တွင် မွေးဖွားခဲ့သည်။ ဆရာမောင်ဝဏ္ဏသည် ၁၉၇၆ ခုနှစ်တွင် ဒေါ်ချိုချိုရီနှင့် အိမ်ထောင်ပြုပြီး သားသမီး သုံးဦး ထွန်းကားခဲ့သည်။ ဆရာ၏ သက်တမ်းတစ်လျှောက်တွင် စာအုပ်ပေါင်းများစွာရေးသားခဲ့ခြင်းနှင့် ရုပ်ရှင်ကားကြီးမျာစွာကိုလည်း ရိုက်ကူးခဲ့ပြီး (၁၉၉၉) ခုနှစ်အတွင်းက “ရင်ထဲက ဆောင်းရာသီ” ဇာတ်ကားတွင်လည်း ရုပ်ရှင် သရုပ်ဆောင် လွင်မိုးကို အကယ်ဒမီ ရသည် အထိ အောင်မြင် စေခဲ့သည်။

ကလေးမြိ့ မီးသတင်း

စစ်ကိုင်းတိုင်း ကလေးမြို့ပင်လုံရပ်ကွက် စိန်မေရီ အလက(၁) အရှေ့ဖက်တွင် ရှိသည့် မြတ်မေတ္တာမွန် စက်သုံးဆီ အရောင်းဆိုင်တွင် မနေ့ (၁၀-၁-၂၀၁၁) ညနေ (၄) နာရီ ခန့်အချိန်က မီးစတင် လောင်ကျွမ်းခဲ့ကြောင်းသိရသည်။ အဆိုပါ မီးလောင်ကျွမ်းမှုကြောင့် ဓာတ်ဆီဆိုင်အပါအ၀င် စတိုးဆိုင်တစ်ခု နှင့် လူနေအိမ်တစ်ခု မီးလောက်ပျက်စီး သွားခဲ့ကြောင်းသိရှိရပြီး ညနေ ၅ နာရီ ၂၀ မိနစ်ကျော်မှ မီငြိမ်းသတ်နိုင်ခဲ့ကြောင်း သတင်းရရှိပါသည်။

မြန်မာနိုင်ငံသားများ စစ်မှုမထမ်းမနေရ ဥပဒေသတ်မှတ်

မြန်မာနိုင်ငံတွင် အသက် ၁၈ နှစ်နှင့် ၄၅ နှစ်အကြား အမျိုးသား အမျိုးသမီး အားလုံး စစ်မှု မထမ်းမနေရ ဥပဒေ မူကြမ်းတစ်ခု စစ်အစိုးရက ခှမှတ်ထားကြောင်း NHK ဂျပန်သတင်းဌာနက ကြေငြာလိုက်သည်။ အဆိုပါဥပဒေအရ အမျိုးသားများအတွက် အသက် ၁၈-နှစ်နှင့် ၄၅ နှစ်ကြား၊ အမျိုးသမီးများအတွက် အသက် ၁၈ နှစ်နှင့် ၃၅ နှစ်ကြား ၂-နှစ်မှ ၃ သုံးနှစ်အထိစစ်မှုထမ်းဆောင်ရမည်ဖြစ်သည်။ ခြေလက်အင်္ဂါ မသန်စွမ်းသူများမှအပ အသက်ပြည့်မှီသူ အားလုံး မြို့နယ်အသီးသီးရှိ သက်ဆိုင်ရာ အာဏာပိုင်များထံ စာရင်းပေးသွင်းရမည်ဖြစ်ကြောင်းကိုလည်း ဖော်ပြထားကြောင်းသိရသည်။ စာရင်း ပေးသွင်းရန် ပျက်ကွက်သူများနှင့် စစ်မှုထမ်း၇န်ပျက်ကွက်သူများကို ထောင်ဒဏ် ငါးနှစ်အထိ ကျခံရမည်ဟု ဆိုသည်။ အဆိုပါ စစ်မှုမထမ်းမနေရ ဥပဒေကို ထွက်ပေါ်လာခြင်းမှာ မကြာမီ ကျင်းပတော့မည့် လွှတ်တော်နှင့်လည်း တိုက်ဆိုင်နေတာကြောင့် အဆိုပါလွတ်တော်တွင် အတည်ပြု ပြဌာန်းသွားရန် တင်ပြဖွယ်ရှိ်ကြောင်း သိရသည်။ (NHK)

The wall street ဂျာနယ်တွင် ဖော်ပြထားသည့် 1887 နှင့် 1897 နှစ်များ ဆီက မြန်မာနိုင်ငံအတွင်း ဗြီတိန် ဆေးတပ်ဖွဲ့

မြန်မာကို တရုတ်၏ လွှမ်းမိုးမှု တစ်နေ့တစ်ခြား တိုးပွါးလာ

မြန်မာ့နိုင်ငံတွင် နိုင်ငံေ၇းအကြပ်အတည်းများမည်မျှပင် ရင်ဆိုင် ကြုံတွေ့နေရသော်လည်း အိမ်နီးချင်း တရုတ်နိုင်ငံ၏ နိုင်ငံရေး စီးပွါးရေးလွှမ်းမိုးမှုမှာ တစ်နေ့တစ်ခြားတိုးပွါးလျှက်ရှိသည်။ မြန်မာနိုင်ငံရေးနဲ့ပတ်သက်ပြီး ကုလသမဂ္ဂတွင်ဆွေးနွေးတိုင်း မြန်မာစစ်အစိုး၇ဖက်မှ ရပ်တည်လေ့ရှိပြီး နိုင်ငံတကာကို အာခံပြလေ့ရှိသည်။

ယခုလည်မြန်မာနိုင်ငံတွင် တရားဝင်မှတ်ပုံတင်ထားပြီး ရင်းနှီးမြှုပ်နှံ နေသည့် တရုတ်ကုမ္ပဏီပေါင်း ၁၇၃- ခုရှိပြီး ပြည်ပရင်းနှီးမြှုပ်နှံမှုပမာဏ၏ ၃၈ ရာခိုင်နှုန်း ကျော်တွင်ရှိနေသည်။ ပြီးခဲ့သည်၂၀၁၀ ခုနှစ်အတွင်း မြန်မာ-တရုတ် ကုန်သွယ်မှုပမာဏမှာ အမေရိကန်ဒေါ်လာ ၃၄၂၇ သန်းအထိ တိုးတက်လာခဲ့ပြီး ယခင်နှစ်များကထက် ၅၄ ရာခိုင်နှုန်းကျော် တိုးတက်လာကြောင်း ဒီဇင်ဘာလအတွင်း ကျင်းပခဲ့သည့် စက်မှုထုတ် ကုန်စည်ပြပွဲ(မြန်မာ) ဖွင့်ပွဲ အခမ်းအနားတွင် တရုတ်ပြည်သူ့ သမ္မတနိုင်ငံ စီးပွားရေးနှင့်ကူးသန်း ရောင်းဝယ်ရေး ၀န်ကြီးဌာန လက်အောက်ရှိ Trade Development Bureau မှ ဒုတိယညွှန်ကြားရေးမှူးချုပ် Mr. Jia Guo Yong က ပြောကြားခဲ့သည်။

တရုတ်နိုင်ငံသို့ မြန်မာနိုင်ငံ၏ ပို့ကုန်တန်ဖိုးမှာ အမေရိကန်ဒေါ်လာ ၆၇၅ သန်း ရှိသည်ဟုသိရပြီး ယခင်နှစ်များကထက် ၃၁ ရာခိုင်နှုန်းကျော် တိုးလာခဲ့ကြောင်းနှင့် တရုတ် နိုင်ငံမှ မြန်မာနိုင်ငံသို့ ပို့ကုန်တန်ဖိုး မှာ အမေရိကန်ဒေါ်လာ ၂၇၅၂ သန်း ရှိခဲ့ကြောင်းသိရသည်။

သီ၇ိလင်္ကာမှ မျက်ကြည်လွှာလှူဒါန်း

မြန်မာပြည်သို့ ၄-ရက်ကြာ အလည်အပတ်ခရီးရောက်ရှိနေသည့် သီရိလင်္ကာနိုင်ငံ ပြည်သူဆက်ဆံရေးနှင့် ပြည်သူရေးရာဝန်ကြီး Mervin Silva သည် လူမျက်ကြည်လွှာ နှစ်ခုကို မြန်မာနိုင်ငံသို့ လှူဒါန်းခဲ့ကြောင်းသိရသည်။ အဆိုပါမျက်ကြည်လွှာကို မြန်မာဖက်မှ စစ်အစိုးကိုယ်စား မြန်မာအမျိုးသားကျန်းမာရေး ၀န်ကြီးဌာန ဒါရိုက်တာ အထွေထွေအတွင်းရေးမှုး ဒေါက်တာ ဦးဝင်းမြင့် က လက်ခံခဲ့သည်ဟု သိရသည်။ သီရိလင်္ကာနိုင်ငံ၏ နိုင်ငံတကာဆိုင်ရာ မျက်စိကုသပေးရေးဘဏ်သည် ကမ္ဘာပေါ်တွင် အခြား မျက်စိအစားထိုးကုသပေးသည့် အကြီးမားဆုံး ၅၇ နိုင်ငံစာရင်းထဲတွင်ပါဝင်သည်။ ယင်း မျက်ကြည်လွှာ လှူဒါန်းပွဲအခမ်းနားသို့ သီ၇ိလင်္ကာသံရုံးဝန်ထမ်း မိသားစုများလည်း တက်ေ၇ာက်ခဲ့ကြသည်ဟု သိရသည်။

သီရိလင်္ကာရောက် မြန်မာရဟန်းတော်များ အကျဉ်းထောင်တွင်း သွားရောက် ပရိတ်ရွတ်

ဇန်န၀ါရီ ၄ - ရက် ယနေ့တွင် ကျရောက်သည့် မြန်မာနိုင်ငံ၏ ၆၃-နှစ်မြောက် လွတ်လပ်ရေးနေ့တွင် မြန်မာနိုင်ငံအတွင်း မတရားဖမ်းဆီး အကျဉ်းချခြင်း ခံထားရသည့် နိုင်ငံရေးအကျဉ်းသားများအားလုံး လွတ်မြောက်ရေးအတွက် ရည်ရွယ်ပြီး သီရိလင်္ကာရောက် မြန်မာကျောင်းသား ရဟန်းတော်များ အဖွဲ့မှ ဦးဆောင်ကာ သီရိလင်္ကာနိုင်ငံ ကိုလံဘိုမြို့ရှိ ဝေဒိကဒ အကျဉ်းထောင်အတွင်းသို့ သွားရောက်၍ မေတ္တသုတ်နှင့် မောရသုတ်တို့ကို ရွတ်ဖတ်ပြီး အကျဉ်းသား ၆၀၀ -ကျော်အတွက် ဆေးနှင့် အခြား စားသောက်ဖွယ်ရာပစ္စည်းများကို လှူဒါန်းခဲ့ကြကြောင်း သတင်းရရှိသည်။

ယင်းအခမ်းအနားသို့ ကိုယ်တိုင်ပါဝင်ခဲ့သည့် သံဃာတော်တပါး၏ ပြောပြချက်အရ မြန်မာကျောင်းသား ရဟန်းတော်များဦးဆောင်လာသည့် သံဃာတော် ၂၅ ပါးတို့ အကျဉ်းထောင် ပရိဝုဏ်အတွင်းရောက်ရှိချိန်တွင် သီရိလင်္ကလာနိုင်ငံ၏ ရိုးရာဓလေ့အတိုင်း အတီးအမှုတ်များဖြင့် ကြိုဆို၍ ပရိတ်ရွတ်ရာ ထောင်တွင်း ဓမ္မာရုံသို့ ပင့်ဆောင်ခဲ့ကြသည်ဟု သိရသည်။ အဆိုပါအခမ်းအနားသို့ အကျဉ်းထောင်အရာကြီးများ ရဲဝန်ထမ်းများ တက်ရောက်၍ ပရိတ်တရားတော်များကို နာယူခဲ့ကြကြောင်းကိုလည်း အဆိုပါ သံဃာတော်က မိန့်ကြားတောမူသွားခဲ့သည်။

ပရိတ်ရွတ်အခမ်းအနားအပြီးတွင် သံဃာတော်များမှ အကျဉ်းသား တစ်ဦးချင်းစီကို ပရိတ်ချည်များနှင့် အခြားစားသောက်ဖွယ်ရာ များကို ဝေငှလှူဒါန်းခဲ့ကြသည်ဟု သိရသည်။

အထူးသတင်း

မနက်ဖြန် ဇန်န၀ါရီ ၄ - ရက်နေ့တွင် ကျရောက်မည့် မြန်မာနိုင်ငံ၏ ၆၃-နှစ်မြောက် လွတ်လပ်ရေးနေ့ အထိမ်းအမှတ်အဖြစ်ဖြင့်လည်းကောင်း မြန်မာနိုင်ငံအတွင်း နိုင်ငံရေးအကျဉ်းသားများအားလုံး လွတ်မြောက်စေရေးအတွက်လည်းကောင်း ရည်ရွယ်ပြီး သီရိလင်္ကာရောက် မြန်မာကျောင်းသား ရဟန်းတော်များ အဖွဲ့မှ ဦးစီးကာ သီရိလင်္ကာနိုင်ငံ ကိုလံဘိုမြို့ရှိ ဝေဒိကဒ အကျဉ်းထောင်အတွင်းသို့ သွားရောက်၍ မေတ္တာသုတ်နှင့် မောရသုတ်တို့ကို ရွတ်ဖတ်ပြီး အကျဉ်းသား ၆၀၀ -ကျော်အတွက် ဆေးနှင့် အခြား စားသောက်ဖွယ်ရာပစ္စည်းများကို လှူဒါန်းသွားမည်ဖြစ်ကြောင်း သတင်းရရှိသည်။

လူတွေပိုလုိ့ တုံးလာကြလေသလား။

လွန်ခဲ့တဲ့ နှစ် ၂ သောင်း အချိန်ကစပြီးလူ့ ဦးနှောက်ဟာ အရွယ်အစား ကျုံ့ဝင်လာတယ်လို့ဆိုပါတယ်။ ရလဒ် ကတော့ လူသားတွေဟာ တရက်ထက်တရက် ပိုလို့ တုံးလာကြတာဖြစ်နိုင်တယ်တဲ့။

“လွန်ခဲ့တဲ့ နှစ် ၂ သောင်းကာလမှာ လူသားယောက်ျားရဲ့ ဦးနှောက်ဟာ ၁၅၀၀ ကျူးဗစ်စင်တီမီတာ အရွယ်အစား ကနေ ကျုံ့ဝင်လာရာမှာ ၁၃၅၀ ကျူးဗစ်စင်တီမီတာသာ ရှိတော့တာမို့ တင်းနစ်ဘောလုံး အရွယ် ပမာဏ လောက် ဆုံးရှုံးလိုက်ရပြီ ဖြစ်ပါတယ်။” ဒစ်စကာဗာရီ မဂ္ဂဇင်းမှာ ကက်သလင်းမက်အောလစ်ဖ် က တင်ပြခဲ့ပါတယ်။

“အမျိုးသမီးတွေရဲ့ ဦးနှောက်ဟာလည်း အဲဒီပမာဏလောက် ကျုံ့ဝင်လာနေတယ်။” သူမက ထပ်ပြောခဲ့ပါတယ်။

ဝင်ကိုစင်တက္ကသိုလ်က မနုဿဗေဒပညာရှင် ဒေါက်တာ ဂျွန်ဟော့ကတော့ “အရွယ်အစား ကျုံ့ဝင်လာခြင်းဟာ ကျနော်တို့ရဲ့ အသိဉာဏ် ကျဆင်းသွားတယ်လို့တော့ ပြောလို့မရပါဘူး။”

အဲဒီလို သေးငယ်လာတာဟာ ပိုလို့တောင်မှ ဉာဏ်ရည်ထက်မြက်လာတာကြောင့်သာ ဖြစ်နိုင်တယ်လို့ သိပ္ပံပညာရှင်တွေက ယုံကြည်ထားပါတယ်။

ဦးနှောက်အရွယ်အစား သေးငယ်လာတာနဲ့ပတ်သက်လို့ သီအိုရီတွေကတော့ အများကြီးပါ။ ခေါင်းကြီးတာဟာ ကျောက်ခေတ်ဦး အစောပိုင်းကာလဖြစ်တဲ့ လွန်ခဲ့တဲ့ နှစ် ၂ သန်းတုန်းက ရှင်သန်နေထိုင်ဖို့လိုအပ်ချက်ကြောင့်လို့ သီအိုရီတစ်ခုက ဆိုပါတယ်။ အင်မတန်အေးတဲ့ ကျောက်ဂူအပြင်မှာ လှုပ်ရှားရှင်သန်ခဲ့ကြရတာပါ။ နောက်သီအိုရီတစ်ခုကတော့ ယုန်၊ သမင်၊ မြေခွေးနဲ့ မြင်းတွေကို အစိမ်းလိုက် ၀ါးစားရာကနေ လိုအပ်ချက်အရ လူ့ဦးနှောက်ဟာ ကြီးမားလာတာလို့ ပြောပါတယ်။

အချို့ပညာရှင်များကတော့ မွေးကင်းစကလေးသေဆုံးမှုနှုန်း ကျဆင်းလျော့နည်းလာတောဟာ ဦးနှောက်အရွယ်အစားကို အချိုးညီ သေးငယ်စေခဲ့တယ်လို့ ယုံကြည်ထားကြပါတယ်။

မစ်ဆိုရီတက္ကသိုလ်က သိမှုသိပ္ပံပညာရှင်တွေဖြစ်ကြတဲ့ ဒေးဗစ်ဂီရီနဲ့ ဒရူးဘေလေတို့ဟာ နှစ် ၁ ဒသမ ၉ သန်းကနေ နှစ် ၁ သောင်း ကာလတွင်းမှာ ပိုမို ရှုပ်ထွေးလာတဲ့ လူမှုဆက်ဆံရေး ပတ်ဝန်းကျင်ကြောင့် ဦးခေါင်းခွံရိုးဟာလည်း လိုက်လျောညီထွေ လိုက်ပါပြောင်းလဲခဲ့တာလို့ လေ့လာတင်ပြခဲ့ပါတယ်။

ရှေးဘိုးဘွားဘီဘင်၊ ကမ္ဘာဦးလူသားများကို ကျနော်တို့ထက်ပိုလို့ အသိဉာဏ်ရှိတယ်ဆိုပြီး ၀ါးလုံးရှည်နဲ့ သိမ်းကျုံး မရမ်းဖို့ကိုတော့ ဂီရီက သတိပေးခဲပါတယ်။

“လက်တွေ့ကျကျပြောရမယ်ဆိုရင်တော့ ကျနော်တို့ရဲ့ ကမ္ဘာဦးက ဘိုးဘွားများဟာ ကျနော်တို့ရဲ့ တီထွင်ဖန်တီးမှုနဲ့ အသိပညာစွမ်းရည်ကို နှိုင်းယှဉ်လို့ မရပါဘူး။ သူတို့ခေတ်တုန်းက ကျနော်တို့မှာ ရှိတဲ့ တူညီတဲ့ယဉ်ကျေးမှု နောက်ခံ အကူမှ မရှိခဲ့တာ။”

“စိုက်တက် ပျိုးတက်လာတာရယ်၊ စီးပွားရေး ဗဟိုပြု မြို့ကြီးတွေ တည်ဆောက်တတ် လာတာရယ်ကြောင့် ထူးချွန်ထက်မြက်တဲ့လူတွေအနေနဲ့ သိပ္ပံပညာရပ်တွေ၊ အနုပညာရပ်တွေနဲ့ အခြားသော နယ်ပယ်တွေမှာ ပိုလို့ ကြိုးစားအားထုတ်လာခွင့် ရရှိခဲ့တယ်။ ဟိုး ရှေးရှေးတုန်းက လူသားမှာတော့ အဲဒီလို အထောက်အပံ့မျိုးက မရှိခဲ့ဘူး။ ဘ၀မှာ ရှင်သန်ရုံ ကလေးနေဖို့ကို သက်စွန့်ဆံဖျား ကြိုးစားခဲ့ကြရတယ်။” ဂီရီက ပြောခဲ့တာပါ။

အခြားတဖက်မှာတော့ ဟော့က လူသားရဲ့ ဦးနှောက် သေးငယ်ကျုံ့ဝင်လာတာဟာ ဉာဏ်ရည် ပိုထက်လာကြလို့သာဖြစ်တယ်။ ကျနော်တို့ စားသောက်သမျှရဲ့ ၂၀ ရာခိုင်နှုန်းလောက်အထိကို ဦးနှောက်က အသုံးပြုတယ်လို့ သူက ဆိုပါတယ်။

မောက္ခ သိပ္ပံပညာသတင်း

Treat SF like Suu kyi

The United National Party (UNP) is of the opinion Gen Sarath Fonseka (http://news.bbc.co.uk/2/hi/south_asia/8356676.stm) should at least be treated like Myanmar pro-democracy leader Aung San Suu kyi who was held under house arrest before being released by the Myanmar junta.

UNP deputy leader Karu Jayasuriya, who visited the former Army Commander at the Welikada prison today, said that Fonseka is being housed in poor living conditions wearing a prisoner’s uniform despite having led the military victory against the LTTE.

Jayasuriya noted that Fonseka at least he should be kept under house arrest like Aung San Suu kyi and not in prison.

Suu kyi was held under house arrest by the military government in Myanmar for several years before her release late last year amidst an international outcry.