လေးစားလောက်ပါတဲ့ ဦးဦး တို့ရဲ့ မုဒိတာ

မြန်မာသံရုံးဧည့်ခန်းတွင် တွေ့မြင်ရသည့် ပုံများ

တစ်ခုသော ညနေခင်း စာရေးသူထံ တယ်လီဖုန်းဝင်လာပါတယ်။ တယ်လီဖုံးသံက ခါတိုင်းကထက် ထူးဆန်းနေသလားလို့ပါ။ တယ်လီဖုံးသံကိုများ အထူးအဆန်းလုပ်ပြီး ပြောနေရသေးသလားလို့ ပြောစရာတော့ရှိပါတယ်။ အော် ထူးမှ သိပ်ထူးပေါ့။ သတင်းက နအဖရဲ့ စစ်သံရုံးနဲ့ ဆက်စပ်နေလို့လေ။ မြန်မာနိုင်ငံမှာ ထူးမခြားနားတာက ၂၀၁၀ နိုဝင်ဘာ ၇- ရက် မတိုင်ခင်ကအုပ်ချုပ်သူတွေနဲ့ နောက်ရက်ကစပြီး ယနေ့ထိ ဆက်ပြီး အနိုင်ကျင့် ဗိုလ်ကျ အုပ်ချုပ်လာခဲ့တဲ့ ဒီ စစ်သားလူမျိုး ဆိုတာကြီးတွေပဲမဟုတ်လား။ သိတယ်နော်------။

အစည်းဝေမှ မူရင်းပုံများ

ကိုင်း ထူးခြားပုံလေးကို ဆက်ပြောကြစို့--- ။ ဒီလိုလေ------- မြန်မာနိုင်ငံတော်ရဲ့ အလံသစ်ဆိုတာကြီးကို အောက်တိုဘာ ၂၁ ရက်နေ့ မွန်းလွဲပိုင်း ၃ နာရီအချိန်က မြန်မာနိုင်ငံတ၀န်းလုံးမှာရှိတဲ့ ၀န်ကြီးဌာနတွေမှာ တပြိုင်နက်တည်း လွှင့်ထူလိုက်ကြတယ်လေ--- မှတ်မိကြသေးတယ်ဟုတ် ။ မှတ်မှိကြရမှာပေါ့--- ရွှေနိုင်ကြီးရဲ့ သင်္ကေတတစ်ခုပဲဟာ။ ဒီနိုင်ငံတော် အလံသစ်ဆိုတာကြီးနဲ့ ပတ်သက်ပြီးတော့ပဲ ပြည်တွင်း ပြည်ပက မြန်မာတွေအများစုက ယတြာအလံကြီး လို့ပြောလိုပြော ဆန့်ကျင်ကန့်ကွက်တာတွေ လုပ်လိုလုပ်ခဲ့ကြ စသည် စသည်ဖြင့်ပေါ့။ အဲဒီအထဲမှာ သီရိလင်္ကာရောက် မြန်မာကျောင်းသားရဟန်းတော်များအဖွဲ့ (MSMA) ကလည်း ထိပ်ဆုံးကပေါ့။ ဒီလိုနဲ့ပဲ စကားလုံး အကြီးကြီးနဲ့ ပြောရရင် ၂၆၊ ၁၀၊ ၂၀၁၀ (အင်္ဂါနေ့) ကပဲ အရေးပေါ်အစည်းဝေးကြီးခေါ် ၊ အဲဒီအစည်းဝေးမှာ နအဖ စစ်အစိုးရရဲ့ ၂၀၁၀ ရွေးကောက်ပွဲဆိုတာကြီးကို အများပြည်သူများနည်းတူ မထောက်ခံ ဆန့်ကျင်ပါကြောင်း ၊ ပြည်သူလူထုရဲ့ အရွေးကောက်ခံ ပြည်သူလွှတ်တော်ကိုယ်စားလှယ်များက အတည်မပြုသေးပဲ နိုင်ငံတော်ရဲ့ ယခင်အလံဟောင်းကို ဖြုတ်ချ အလံသစ်ဆိုတာကြီးနဲ့ အစားထိုးခဲ့တဲ့ ကိစ္စကို ဆန့်ကျင်ပါကြောင်း စတာ စတာတွေပေါ့ ဆွေးနွေးဖြစ်ခဲ့ကြတယ်လေ။ အစည်းဝေးအပြီးမှာတော့ နအဖ စစ်အစိုးရရဲ့ ယတြာအလံ (အဲလေ ဟုတ်ပါဘူး) နိုင်ငံတော်အလံသစ်ဆိုတာကြီးကို လပေါင်းများစွာစုပုံထားခဲ့တဲ့ အမှိုက်ပုံပေါ်တင်ပြီး မီးသင်္ဂြိုလ် ပူဇော်လိုက်ကြတယ်။ အဲဒီ အစည်းဝေးမှတ်တမ်း ဓာတ်ပုံမှတ်တမ်းတွေကလည်း အစည်းဝေးပြီးတာနဲ့ပဲ ပြည်ပအခြေစိုက် သတင်းဌာန၀ဒ်ဆိုက်ပေါ်တွေမှာ ပျံ့နှံ့သွားခဲ့တယ်။ သူတို့တစ်တွေကလည်း သတင်းဦးဆိုတာထက် နိုင်ငံတော်အလံသစ်ကြီးကို ဂုဏ်ပြုချင်ကြတယ်နဲ့တူပါရဲ့။
အဲဒီလို ဂုဏ်ပြုကြသူတွေအထဲမှာမှ ထူးထူးဆန်းဆန်း ပါဝင်လာသူတစ်ဦးကတော့ သီရိလင်္ကာနိုင်ငံ ကိုလံဘိုမြို့မှာရှိတဲ့ မြန်မာစစ်သံရုံးလေ။ စာရေးသူပြောပြချင်တဲ့ ထူးခြားတဲ့ တယ်လီဖုံးမြည်သံက သတင်းတစ်ခုဆိုတာ အဲဒါပါပဲ၊ ဇာတ်ေ၇လည်အောင် အတော်ညှိနေရတယ်။ နအဖ စစ်သံရုံးက အလံသစ်ကို မီးသဲင်္ဂြိုဟ်တာကိုပဲ ပူးပေါင်းပါဝင်ပြီးဂုဏ်ပြုတာလား ဒါမှမဟုတ် မီးသင်္ဂြိဟ်နေကြသူတွေကို ကြည့်ပြီး ၀မ်းမြောက်ဝမ်းသာဖြစ် မုဒိတာပွါးတာလားတော့ မသိပါဘူး သတင်းဌာနပေါင်း များစွာက တုန့်ပြန်မှုထက်တွေထက်ပင် သာလွန်သေးတယ်။ သာလွန်နေပုံဆိုတာက ဒီလိုလေ--- အဲဒီ မှတ်တမ်းဓာတ်ပုံတွေကို မြန်မာသံရုံးက ဓာတ်ပုံအဖြစ်ကူးယူပြီး သံရုံးဧည့်ခန်းရဲ့ မှန်ခင်းစားပွဲပေါ် အမှတ်တရ ပြသဂုဏ်ပြုထားတယ်ဆိုပဲ။ အော် လေးစားစရာပဲနော်---။ သိပ်ကိုပဲ အများရဲ့ ကောင်းမှုတွေကို မုဒိတာပွါးတတ်ကြတာပါကလား။ ဆယ်စုနှစ် နှစ်ခုအတွင်း သူတစ်ပါးရဲ့ ကောင်းမှုကို ယခုလို အားရ၀မ်းသာ အကောင်ထည်ဖော်ပြီး ယခုလိုလက်တွေ့ပြသလိုက်တာက ထူးဆန်းတဲ့ အချက်မဟုတ်ပေဘူးလား။ ဒါနဲ့ပဲ သူတို့ရဲ့ မုဒိတာတွေကို ထပ်ပြီး ဆင့်ပွါးမုဒိတာပွါးလိုက်ပါတယ်နော်။ သံရုံးက ဦးဦး တို့ရဲ့ ကြီးမားလှတဲ့ မုဒိတာစိတ်ကို လေးစားလျှက်ပါ----။
အော် ဒါနဲ့ မပြီးခင် စကားစပ်မိတုန်း လက်တို့ပြီးတော့ ပြောလိုက်ရအုံးမယ်--- ဒီဆောင်းပါးလေး ဖတ်ပြီးရင်လည်း မှတ်တမ်းဓာတ်ပုံလေးတွေ ယခင်ရှိနေကြ နေရာဖြစ်တဲ့ သံရုံးဧည့်ခန်းရဲ့ မှန်ခင်းစားပွဲပေါ်လေးတွေပေါ်မှာပဲ ဆက်လက်စံမြန်းတော်မူနေကြတာကို တွေ့မြင်ပါရစေနော် ။

(အရှင်သစ္စာဝံသ)