ဒီဇင်ဘာ ၁၀-ရက်နေ့က မြန်မာနိုင်ငံသား သင်္ဘောသား ၂၃ ယောက် လိုက်ပါလာသည့် သင်္ဘောတစင်းကို ဆိုမာလီ ပင်လယ်ဓားပြများက ပြန်ပေးဆွဲသွားခဲ့သည်။ အဆိုပါသင်္ဘောမှာ လိုက်ဘေးရီးယားနိုင်ငံ မှတ်ပုံတင် MV Panama ဟုသိရပြီး သင်္ဘောကို တန်ဇန်းနီးယား အရှေ့ပိုင်းတွင် အမြန်ရေယာဉ် ၂ စင်းနဲ့ ဆိုမာလီပင်လယ်ဓားပြတွေက စီးနင်းသိမ်းပိုက်ခဲ့တာဖြစ်ကြောင်း ဥရောပသမဂ္ဂ (EU) ရဲ့ ရေတပ်ပြောခွင့်ရပုဂ္ဂိုလ် Paddy O’Kennedy က အတည်ပြုပြောဆိုထားသည်။
အဆိုပါသင်္ဘော ပြန်ပေးဆွဲခံရသည့် သတင်းကို ယနေ့ထုတ် စစ်အစိုးရသတင်းစားများတွင် ဖော်ပြထားသော်လည်း ၄င်းသင်္ဘောပေါ်တွင် မြန်မာသင်္ဘောသား ၂၃ သုံးဦးပါဝင်ကြောင်းကိုတော့ ဖော်ပြမထားပေ။ မြန်မာစစ်အစိုးရအနေဖြင့် ပြည်တွင်းမှာသာမက ပြည်ပအခြေစိုက် မြန်မာသံရုံးတို့ကလည်း မြန်မာနိုင်ငံသားတစ်ဦးဦး ဒုက္ခရောက်ပါက အကူညီပေးသည်ဆိုသည့်သတင်းမှာ ကြားရခဲလှသည်။ ထို့အပြင် စစ်အစိုးရ၏ ပြည်တွင်း သတင်းအမှောင်ချမှုမှာလည်း ကမ္ဘာသိဖြစ်လေသည်။ ယခုတစ်ကြိမ် မြန်မာသင်္ဘေသားတွေပါဝင်သည်ဆိုသည့် သတင်းကိုအပြည့်အစုံကို ထည့်သွင်းဖော်ပြမှု မပြုခြင်းမှာလည်း စစ်အစိုးရ၏သတင်းအမှောင်ချခြင်း တစ်မျိုးသာဖြစ်ကြောင်း လေ့လာသူတစ်ဦးကဆိုသည်။
0 comments:
Post a Comment