ဗုဒ္ဓ၀ါဒနှင့် လူအခွင့်အရေး

၁၉၄၈-ခုနှစ် ဒီဇင်ဘာလ ၁၀-ရက်နေ့တွင် ကမ္ဘာ့ကုလသမဂ္ဂ အထွေထွေညီလာခံကြီးမှ တစ်ညီတစ်ညွတ်တည်း သဘောတူ ပြဌာန်းလိုက်သည့် အပြည်ပြည်ဆိုင်ရာ လူအခွင့်အရေးကြေငြာစာတမ်းကြီးသည် ယနေ့ဆိုလျှင် နှစ်ပေါင်း ၆၂- နှစ်ပင် ပြည့်မြောက်ခဲ့လေပြီ။ သို့သော်လည်း မြန်မာနိုင်ငံအပါအ၀င် နိုင်ငံပေါင်းများစွာမှ ပြည်သူအများစုကြီးသည် လူအခွင့်အရေးချိုးဖောက်မှုမျိုးစုံကို ရင်ဆိုင်ခံစားလို့နေကြရသည်။ အဆိုပါလူအခွင့်အရေး ကြေငြာစာတမ်း၏ အင်္ဂါရပ်တစ်ချက်ချင်းစီကို လေ့လာကြည့်ပါက အခြေခံလူကျင့်ဝတ်တစ်ခုဖြစ်သည့် မေတ္တာ ကရုဏာ တရားနှစ်ပါးကို အခြေခံထားသည်ကို တွေ့ရှိကြရပေလိမ့်မည်။ ၄င်းမေတ္တာ ကရုဏာစိတ်တို့ကို အခြေခံထားသည့် လူ့အခွင့်အရေးကြေငြာစာတမ်းသည့် ဗုဒ္ဓဘာသာဝင်များအတွက် အထူးအဆန်းမဟုတ်ဟုပင် ဆိုရပင်လိမ့်မည်။ သို့သော်လည်း ဗုဒ္ဓဘာသာထွန်းကားသည့် နိုင်ငံများတွင် အဆိုပါအပြည်ပြည်ဆိုင်ရာ လူအခွင့်အရေးကြေငြာစာတမ်းပါအတိုင်း ပြည်သူအများ ဘယ်အတိုင်းအတာအထိ ခံစားနိုင်ကြသနည်း ဆိုသည့် အမေးကတော့ လူအခွင့်အရေးလှုပ်ရှားသူတို့အကြား မေးစရာတစ်ခုပင် ဖြစ်လို့နေပေတော့သည်။

တကယ့်လက်တွေ့အားဖြင့် ထေရ၀ါဒဗုဒ္ဓဘာသာ ထွန်းကားလှပါသည်ဆိုသည့် မြန်မာနိုင်ငံသည်လည်း လူအခွင့်အရေးမှတ်တမ်းများအရ ကမ္ဘာပေါ်တွင် လူအခွင့်အရေး ချိုးဖောက်မှုအများဆုံး နိုင်ငံများ စာရင်းထဲတွင်ပါဝင်နေသည်။ ထို့ကြောင့် မည်သည့်ဘာသာတရားက ကောင်းသည် ဆိုးသည် ဆိုသည့် အမည်နာမတစ်ခု အောက်တွင် အငြင်းပွါးနေခြင်းသည် မိုက်မဲရာကြပြီး သဘောထား သေးသိမ်လွန်းရာကြပေလိမ့်မည်။ တကယ်တမ်းတွင် ဘာသာတရားတစ်ခု၏ အဆုံးအမနှင့် လူကျင့်ဝတ်များကို နားလည်သဘောပေါက်ပြီး လက်တွေ့လိုက်နာ ကျင့်သုံးမှုများကသာလျှင် အပြုဆောင်ပေသည်။
လူအခွင့်ရေး ကြေငြာစာတမ်းနဲ့ပတ်သက်ပြီး ပြောဆိုကြရာတွင် ဗုဒ္ဓဘာသာ၏အခမ်းကဏ္ဍသည် လူအခွင့်အရေးများကို ညွှန်ပြမထားကြောင်း ပြောဆိုလေ့ရှိကြသည်။ အဆိုပါပြောဆိုချက်များသည် ကျဉ်းမြောင်းသည့် အယူအဆများပေါ်တွင်သာ အခြေခံထားသည်ဟု ဆိုရပေလိမ့်မည်။ လူအခွင့်အရေးနဲ့ပတ်သက်ပြီး ဗုဒ္ဓ၀ါဒရှုထောင့်မှ ကြည့်ကြသည့်အခါတွင် တွေးခေါ်မှုဆိုရာ ဒဿနအမြင်နဲ့ လူကျင့်ဝတ်ပိုင်းဆိုရာ အခြေခံရှုထောင့်နှစ်ခုဖြင့် ရှုမြင်သင့်ကြပေသည်။ ၄င်းအခြေခံ ရှုထောင့်များဖြင့်ကြည့်ပါက အပြည်ပြည်ဆိုင်ရာ လူအခွင့်အရေးကြငြာစာတမ်း၏ အပိုဒ်ရေ တစ်ခုချင်းစီသည် ဗုဒ္ဓ၀ါဒနဲ့ ကိုက်ညီနေရုံမျှမကပဲ ဗုဒ္ဓဘာသာအတွက် အသစ်အဆန်းမျှပင် မဟုတ်ကြောင်းတွေ့ကြပေလိမ့်မည်။ ဥပမာအားဖြင့် လူအခွင့်အရေးကြေငြာစာတမ်း၏ အပိုဒ်တစ်နံပါတ်တွင် လူတိုင်းတွင် မွေးဖွားကတည်းက တူညီသော လူဂုဏ်သိက္ခာနှင့် မွေးရာပါအခွင့်အရေးများ ရပိုင်ခွင့်ရှိသည်ဟု ဖော်ပြထားသည်။ ၄င်းဖော်ပြချက်အ၇ ဗုဒ္ဓဘာသာအမြင်ဖြင့် ကြည့်ကြပါ၇င် ဗုဒ္ဓ၀ါဒသည် ဖန်ဆင်းရှင်ဝါဒမဟုတ်သလို အပြဌာန်းခံဝါဒ သဘောတရားကိုလည်း လက်မခံပေ။ လူတိုင်းလူတိုင်းသည် အတိတ်က မိမိတို့ပြုလုပ်ခဲ့သည့် ကောင်းကံ ဆိုးကံအရ လွတ်လပ်စွာမွေးဖွားလာခဲ့ကြပြီး ၄င်းအတိတ်ကံများအရ မိမိတို့ခံစားနေကြရသည့် ကောင်းမွေ ဆိုးမွေများသည် မိမိသည်သာလျှင် တာဝန်အ၇ှိဆုံးဖြစ်သည်ဟု ယုံကြည်ထားသည်။ မည်သည့်တစ်ဦးတစ်ယောက် တန်ခိုးရှင်ကမှ ဖန်ဆင်းပေးလိုက်ခြင်းမျိုးမဟုတ်ပဲ မိမိသည်သာလျှင် ကံကြမ္မာ၏ ဖန်ဆင်းရှင်ဖြစ်သည်ဟု ယုံကြည့်ထားသည်။ လွတ်လပ်စွာမွေးဖွားလာခဲ့ကြသည့် လူသားများဖြစ်ကြသည့်အားလျှော်စွာ ကြိုးစားပါက မိမိသည်လည်း ဘုရားပင်ဖြစ်နိုင်သည့် တန်းတူညီမျှသည့် အကျိုးခံစားနိုင်ခွင့်ရှိသည်။ ငါသာလျှင်ဘုရားဖြစ်ပိုင်ခွင့်ရှိသည်၊ အခြားမည်သူတစ်ဦး တစ်ယောက်မျှ ဘုရားဖြစ်ပိုင်ခွင့်မရှိစေရဟု ခွဲခြားဆက်ဆံမှုမျိုးမရှိပေ။ အဆိုပါအချက်များဖြင့်ပင် ဗုဒ္ဓ၀ါဒသည် လူတိုင်းတွင် လူဂုဏ်သိက္ခာနဲ့အညီနေနိုင်စေရေး လူတိုင်းတန်းတူညီမျှ အခွင့်အရေး ရရှိရေးတို့ကို ဖော်ပြလျှက်ရှိကြောင်း ထင်ရှားစွာပြသနေသည်။
နိဂုံးချုပ်အနေအားဖြင့် မြန်မာနိုင်ငံမှ အုပ်ချုပ်သူအာဏာပိုင်များအနေဖြင့် ဗုဒ္ဓ၀ါဒကိုလေးစားသည့် စစ်မှန်သည့် ဗုဒ္ဓဘာသာဝင်များဖြစ်ကြပါလျှင် လူတန်းဖိုးနဲ့ လူတိုင်းတွင်ရရှိခံစားအပ်သည့် လူအခွင့်အရေး လူဂုဏ်သိက္ခာများကိုလည်း လေးစားလိုက်နာရန်အထူးလိုအပ်လှပေသည်။ သို့မှသာလျှင် ဗုဒ္ဓ၀ါဒကိုလေးစား တန်းဖိုးထား လိုက်နာကျ့င့်သုံးသည့် ဗုဒ္ဓဘာသာဝင်များအဖြစ် အသိမှတ်ပြုကြ၇ပေလိမ့်မည်။

(သခင်နွယ်)