နယ်စပ်တိုက်ပွဲ များကြောင့် ထိုင်းနိုင်ငံဘက်သို့ ထွက်ပြေး တိမ်းရှောင်နေကြသော စစ်ပြေး ဒုက္ခသည် ၂၃၃ ဦးသည် မြန်မာပြည်တွင်း ပြန်ဝင်ရန်သဘောတူလိုက်ကြောင်းသိရသည်။ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နှင့် နအဖတပ်များ အကြားဖြစ်ပွားနေသည့် တိုက်ပွဲမှာ ယခုအခါ အဆုံးသတ်သွားပြီဖြစ်ကြောင်း ထိုင်းစစ်သားများက ပြောသည်ဟုသိရသည်။ မကြာသေးခင် ရက်ပိုင်းအတွင်းကလည်း ထိုင်းဒေသခံ ရွာသားများက မြန်မာပြည်မှ စစ်ပြေးဒုက္ခသည်များတွင် ကူးစက်ရောဂါပိုးများ ပါရှိနိုင်သည်ဟူသော အကြောင်းပြချက်ဖြင့် မြန်မာဘက်သို့ ပြန်ပို့ရန် တောင်းဆိုကြောင်း သတင်းထွက်ပေါ်ခဲ့ပြီးဖြစ်သည်။ အဆိုပါ သတင်းများထွက်ပေါ်ခဲ့ပြီးနောက် ယခုကဲ့သို့ ဒုက္ခသည်များ ပြန်တော်ပြန်ရေး အစီစဉ်ဖြစ်ပေါ်ခဲ့ခြင်းဖြစ်သည်။
0 comments:
Post a Comment